BENKI YA NMB YATOA MSAADA WA VITANDA ,MADOGORO NA VIFAA VYA UPASUAJI KWENYE KITUO CHA AFYA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

MH   Seleman  Kakoso  akipokea  msaada wa  magodoro yaliotolewa na  vitanda  na  NMB  kwa  ajiri ya kituo cha  Afya  Mwese

Meneja  mausiano  wa  NMB  na  Serikali  wa  Nyanda za  Juu  Focus Lubende  akisalimiana na   Mkuu wa  Wilaya ya  Tanganyika    Salehe  Mhando muda  mfupi  kabla ya kukabidhi  msaada wa   vitanda  viwili vya kujifungulia  akina  mama  na    vitanda  vitano vya  kulalia wagonjwa  pamoja na  magoro yake na  seti tatu  za     vifaa  kwa   ajiri ya kufanyia  upasuaji vifaa  hivyo  vilikabidhiwa kwa  ajiri ya kituo cha  Afya  Mwese  Wilaya ya  Tanganyika  Mkoa wa  Katavi

Kikundi cha  ngoma  cha  kijiji cha  Mwese wakitumbuiza wakati wakukabidhiwa msaada wa  vitanda

Na  Walter  Mguluchuma .

    Katavi

Benki  ya   NMB   imetowa  msaada wa  wa  vitanda  viwili vya kujifungulia akina  Mama wajawazito vitanda  na vitano vya  kulalia  wagonjwa    vikiwa   na  magododo  vikiwa na    na  thamani ya  Tshs 5.5 kwa   ajiri ya  kituo cha  Afya   Mwese     kilichoko  katika   Wilaya ya   Tanganyika Mkoani  Katavi .

Mbali ya  vifaa  hivyo  walivyokabidhi kwa  ajiri ya  kituo  hicho cha  Afya kiilichoko  umbali wa  kilometa  120 kutoka  makao  makuu ya  Mkoa wa  Katavi   Banki  hiyo pia    imetowa  msaada   wa   vifaa  seti tatu  vya kufanyia   upasuaji na  mashine   tatu za kupimia   ugonjwa wa  moyo kwa  ajiri ya kituo hicho cha   Afya.

  Akizungumza  wakati wa kukabidhi  msaada huo   jana   Meneja   mausiano  wa  NMB  na  Serikali  wa  Kanda ya  Nyanda za juu  Focus   Lubende  alisema msaada  walioutowa  ni      sehemu ya  utaratibu   ambao   Benki  hiyo  iliyojiwekea wa  kutowa   faida wanayoipata   wameipata   sehemu  nyingine  huwa  wanaitowa kwa ajiri  ya kusaidia kwenye  jamii kila  mwaka .

Pamoja  na   hayo  alisema  msaada  huo wametowa  ili  kuunga   mkono  jitihada za  Serikali  za  kuboresha  huduma  za    afya na  miundo  mbinu kuanzia kwenye    Zahanati  hadi   kwenye  Hopitali.

  Alisema kwa  mwaka  jana   katika  sehemu ya   faida waliopata kiasi cha  Tshs  bilioni  16 walizirudisha    Serikalini na  kiasi cha  Tshs  Bilioni  walitenga  kwa  ajiri ya kusaidia   jamii  kama  ambavyo walivyofanya  kwa kituo cha   afya  Mwese.

Lubende  alieleza  kuwa   NMB  ni  Benki ya  Serikali  na  ndio  maana   imekuwa  ikichangia  maendeleo  ya  wananchi  kwa  kutenga  kiasi  cha   fedha kwa  ajiri ya  kusaidia  jamii na  katika   Mkoa wa  Katavi  NMB   imekuwa  wachangia  kwenye   elimu na   afya .

  Aliwataka wananchi   kuacha tabia  ya   kukaa na  fedha   kwenye  mito ya  vitanda  vyao  na  badala ya   wafungue   akaunti    Benki  kwani  kufungua  akaunti  kuna   faida  sana  kwenye   maisha  yao .

  Aliema  NMB   inao  wateja  zaidi ya  milioni  mbili   hapa   nchini  na  wanatarajia  kuweka   mawakala  vijijini  kwa  ajiri  ya  watu  kupatiwa  huduma  za    Kibanki .

Nae   Mkuu  wa  Wilaya ya   Tanganyika   Salehe   Mhando   alisema   msaada  huo waliotowa     Nmb  inaonyesha  jinsi   benki  hiyo  inavyoshirikiana  na  wanyonge

Aliwasisitiza  watumishi wa  kituo  hicho cha   afya  kutumia   vizuri   vifaa  hivyo  walivyopewa  msaada   kwa  kuvitunza  na  kuvitumia  kwa  matumizi yaliokusudiwa  kwani   Nmb  wamefanya  jambo  kubwa  na   lahuruma kwa  wananchi wa   Tarafa ya  Mwese.

Mbunge  wa Mpanda   Vjijijini  Moshi  Kakoso  alisema  vifaa  hivyo  vitasaidia  vitaboresha  huduma za   afya  kwenye  kituo  hicho   ambacho  ndio  kituo kichakavu  kuliko     vituo  vyote  vya   afya  vilivyoko  katika   Mkoa wa  Katavi .

 Alisema   NMB  ni   wadau wapekee wanaoangalia  jamii kwani  wamekuwa  wakisaidia  Watanzania   wote  bila  kujari  kama ni  wadau  wao  au   sio  wadau  wao .

Kaimu  Mkurugenzi wa  Halmashauri ya  Wilaya  ya   Mpanda  iliyoko  katika  Wilaya  ya   Tanganyika   Malaka   Morisho   alisema  vifaa  hivyo  walivyopewa   watavitunza  ili  waendelee kuwakumbuka    na kuwaenzi  NMB.

Kaimu    mganga   mfawidhi wa   kituo  hicho  cha   afya   Mwese  Masanja  Mbogosa   alieleza  kuwa  kituo  hicho    kilikuwa  na   changamoto ya  upungufu wa  vitanda  vya  kulalia  na  vya  kujifungulia wajawazito .

Alisema  vitanda  vilivyopo  katika  kituo  hicho  ni   19    kati ya   hivyo  viwili  vilikuwa  vya  kujifungulia    akina  mama   hivyo  msaada   huo utasaidia   kupunguza  tatizo la  vitanda   ambapo  pia  kituo  hicho kinakabiliwa  na  changamoto ya  ukosefu wa gari la wagonjwa ,maji ya uhakika  na  umeme .