UAMUZI WA MEYA WA MANISPAA YA MPANDA WA KUKATAA KUNUNULIWA GAR I LA KUTEMBELEA UMEWANUFAISHA WANANCHI .

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 Na  Walter  Mguluchuma  .

           Katavi .

Uamuzi  wa  Meya wa   Manispaa ya  Mpanda   Mkoani  Katavi  Wlliy  Mbogo  wa kukataa  kununuliwa   gari la kutembelea  umewanufaisha  Wananchi  baada  ya  fedha zilizotengwa  kiasi cha zaidi ya TSHS   Milioni  150  kwa  ajiri ya gari lake  kutumika kununulia  gari la  kusombea  taka taka .

 Awali   Manispaa hiyo  ilitenga  kiasi cha  Tshs  159,000,000 kwa  ajiri ya  gari la   Meya ,lakini  meya  wa  Manispaa hiyo  Willy  Mbogo  alikataa na kueleleza   fedha  hizo   zielekezwe  kwenye  kwenye   miradi ya  maendeleo kwa kununua    gari la kusombea taka .

  Gri  hilo   lori   lenye   namba  za  usajiri   SM 12244  lenye  uwezo wa  kubeba   tani   16 lilikabidhiwa   hapo   jana  kwa  uongozi wa   Manispaa  hiyo  katika   ofisi za  Manispaa  hiyo  zilizoko  katika     Mtaa wa   Ilembo   ambapo   mgeni   rasmi alikuwa   Mkuu wa   Wilaya ya   Mpanda   Lilian   Matinga .

  Akisoma  taarifa    mbele ya  mgeni  rasmi  kwenye   makabidhiano  hayo   Kaimu   Mkurugenzi wa  Manispaa ya  Mpanda  Deodatus    Kangu  alieleza  kuwa  Manispaa  hiyo  ilikuwa  imetenga  kiasi  hicho  cha  fedha  kwa  ajiri ya kununulia  gari la  kutembelea   Meya wa  Manispaa  hiyo    ambae   hana  gari la kutembelea kwa  ajiri ya  shughuli  za   manispaa  hiyo  hata  hivyo   alikataa    kununuliwa   gari la   badala yake   alielekeza  fedha  hizo   zitumike kununua  gari la kusombea taka.

  Kangu  alieleza  kuwa   fedha  hizo  ziliizokuwa  zimetengwa kutokana  na   Makusanyo ya   mapato ya  ndani  yaliopatikana  katika   mwaka wa  fedha wa  mwaka  2017 na  2018.

  Alisema  wakazi wa  manispaa ya  Mpanda   huzalisha  kiasi cha tani 70.5 za taka  ngumu kwa  siku   sawa   na  tani   25,732.5 kwa  mwaka  ambapo  asalimia  kubwa ya taka     hizo  ni taka   toka   majumbani  na  maeneo ya biashara.

 Kaimu  Mkurugenzi   Kangu   alifafanua  kuwa  kutokana  na   upatikanaji  wa  lori   lenye   uwezo  wa  kubeba  tani 16 litasaidia  kwa kiwango kikubwa  kuondoa  tatizo  la  mrundikano  wa  taka  ngumu zilizokuwa  zinabaki  kwenye   viziba  au  kwenye  maeneo  yaliyoandaliwa kwa muda  mrefu .

 Alizitaja  baadhi ya   changamoto  zilizopo  katika   katika  utekelezaji   wa  udhibiti  wa  taka  ngumu katika   Manispaa ya  Mpanda  kuwa  ni   upungufu  na  uchakavu  wa  malori  ya kuzoa taka  na kufafirisha   taka  ngumu .

  Changamoto   nyingine   ni  ongezeko  la  idadi  ya wakazi  inayopelekea  ongezeko  la uzalishaji  wa taka  ngumu   na  ukosefu wa  dampo la kisasa  kwa  ajiri ya  uchambuzi  na  uzikaji wa taka  ngumu .

Mkuu  wa  Wilaya ya    Mpanda    Lllian  Matinga    aliitaka   Manispaa  hiyo kuhakikisha  gari  hilo linatumika kwa makusudio yake     na  lisitumike kwa  matumizi     tofauti na  yalivyokusudiwa .

Aliitaka  manispaa  hiyo  kulitunza  gari  hilo  la  kulifanyia  matengenezo   kila   yatakapo  hitajika  na waakikishe  gari  hilo  muda  wote  linakuwa  safi  sio kwa  kuwa   gari  hilo ni  kakusombea  taka   basi waliache  liwe  chafu .

Pia   aliishauri   Halmashauri  hiyo   isiishie   kununua  gari  hilo tuu    kwani  mahitaji ya  gari la  kusombea taka   bado yanahitajika  kutokana  na  jinsi   manispaa  hiyo inavyokuwa kwa  kasi kubwa.

  Haidari  Sumry    Diwani wa  Kata ya  Makanyagio  alimpongeza  Meya wa  Manispaa  hiyo kwa  uamuzi wake  huo wa  kizalendo   aliuchukua  kwa  manufaa ya   wakazi wa   manispaa  na  Mkoa kwa ujumla .

   Alisema     jambo  hilo  la  kubadili   matumizi ya  fedha   zilizokuwa   zimetengwa  kununulia   gari  lale  ni    jambo la kuingwa    kwa  viongozi wengine.

Nae  Meya wa  Manispaa ya   Mpanda   Willy  Mbogo   alisema         uamuzi  huo   aliamua kuutowa   sio kwa  manufaa  yake  binafsi   bali   alitanguliza    masilahi ya  wananchi  kwanza   na   amewaomba  wananchi  kuwaunga  mkono  pindi   Manispaa  hiyo  pindi wanapokuwa  wanataka kuongeza kipata cha Halmashauri hiyo.

MWISHO