OFISA ARDHI MANISPAA YA MPANDA MKOANI KATAVI , HISIM ZUBERI MUYIGA (49) AMEUAWA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Mpanda

OFISA  Ardhi Manispaa ya Mpanda mkoani  Katavi , Hisim Zuberi Muyiga (49) ameuawa kikatili kwa kunyongwa  na watu  wasijulikana  na kuutelekeza mwili wake shambani .

A Kamanda wa Polisi mkoa wa Rukwa , George Kyando amethibitisha kuawa kwa Ofisahuyo wa Ardhi kwamba mwili wake uligunduliwa na wananchi  kwenye shamba la mifugo la Kanisa la Efathaa ambalo lipo katika kijiji cha Malonje , Manispaa ya Sumbawanga .

“Baada ya mwili huo kugundulika  shambani humo  na wananchi ambao waliutaarifu  uongozi wa kijiji hicho na shamba hilo ambao walitoa taarifa Polisi ….

Askari Polisi walipofika kwenye eneo hilo la tukio  waliukuta mwili huo  lakin mazingira  yanaonesha  kuwa aliuawa sehemu nyingine tofauti na hapo  kisha ukatupwa shambani humo  kwa sasa hakukuwa  na purukushani  zinazoashiria mtu aliuawa hapo “ alieleza Kamanda .

Aliongeza kuwa baada ya kupekuliwa  askari polisi waliweza kukuta leseni yake ya udereva  ikiwa mfukoni mwa suruali aliyokuwa ameivaa ambapo  waliingiza kadi hiyo ya leseni  kwenye mtandano na kubaini kuwa alikuwa ni Ofisa Ardhi , Manispaa  ya Mpanda.

“Tuliwasiliana na ndugu zake  ambao walikuwa Jijini Dar Es Salaam ambao walitueleza kuwa marehemu aliwaeleza  kuwa alikuwa ana safari kwenda mjini Sumbawanga siku moja kabla ya  Sikukuu  ya Krismasi  akiwa na fedha taslimu  ya zaidi  ya Sh milioni 20/- ….. “ alieleza Kyando .

Aliongeza kuwa baada ya kuwasilina na ndugu za marehemu walioko Jijini Dar Es Salaam mmoja wao aliwaeleza Polisi kuwa marehemu  aliwafahamisha  ndugu zake kuwa alikuwa amesafiri na gari lake hadi mjini Sumbawanga akiendesha mwenyewe ..

“Sisi Polisi tulianza  upelelezi wetu na kuanza msako wa kulitafuta gari la marehemu ambapo tulilikuta likiwa limeegeshwa kwenye nyumba ya kulala wageni ya Ligula iliyopo  mjini Sumbawanga “ alieleza .

Alitaja gari hilo la marehemu kuwa aina ya Nissan Navara yenye namba za usajiri T 976 CEJ likiwa limeegeshwa kwenye  nyumba hiyo ya kulala wageni .

“Tulipowahoji wahudumu wa nyumba hiyo ya kulala wageni  walikiri kuwa gari hilo ni mali ya marehemu ambaye walimtaja kwa majina yake wakisisitiza kuwa ni mteja cwao wa kudumu kuwa mara kdhaa amekuwa akifikia na kulala hapo …..

Walidai kuwa siku hiyo alipofika hapo alichukua chumba cha kulala  na kukilipia kisha akaingia ndani baada ya muda mfupi alitoka akiwa amebeba begi jekundu  lakini hakurudi tena hadi tulipofika  hapo na kuwaeleza  yaliyomsibu ambapo walibaki wakiwa wamepigwa na butwaa  wakiwa hawamini waliyoyasikia  " .alieleza

Kamanda Kyando alieleza kuwa  kwa sasa Polisi  inafanya uchunguzi wa awali wa kuipekua  simu ya marehemu ya mkononi  kitaalamu  ili kumbaini mtu wa mwisho aliyewasiliana nae na eneo alilokuwepo wakati akiwasiliana na marehemu  ili sheria  iweze kuchukua mkondo wake .