WIZARA YA MALIASILI NA UTALII YAWATAKA WAHIFADHI KUSHIRIKIANA NA MAMLAKA ZA MIKOA NA WILAYA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

  Na  Walter  Mguluchuma .

     Katavi .

  Wizara ya  Maliasili na  Utalii imewataka  Wahifadhi wote  kushirikiana  na  Mamlaka za  Mikoa  na  Wilaya  ili kuweza  kukabiliana  na  tatizo  la uvamizi  wa maeneo  ya  hifadhi  yanayofanywa  kwa ajiri ya shughuli za kibinadamu  hususani  uvamizi wa mifugo  kwenye  maeneo ya hifadhi .

Wito  huo ulitolewa  hapo jana  na  Katibu  Mkuu  wa   Wizara ya   Maliasili na  Utalii   Meja  Generali    Gaudence   Milanzi  wakati  alipokuwa  akifunga   mafunzo  ya uongozi  kwa maafisa   Wanyama  pori   yenye  lengo  la kuwafanya wafanye  kazi  kutoka   mfumo wa kiraia   na kuwa mfumo wa kijeshi yaliofanyika  katika kituo cha   mafunzo   Mlele    Mkoani   Katavi .

Mafunzo  hayo ya  wiki sita  yaliwashirikisha  wahitimu  97 wakiwemo   Maafisa  wandamizi  20 na    maafisa wa  kati 77 wa  kutoka   Mamlaka  ya  Wanyama  pori     Tanzania   TAWA..

  Meja  Gernerali  Milanzi  alisema   hivi sasa  uhifadhi  unakabiliwa  na tatizo  la uvamizi  wa  maeneo ya  hifadhi  yanayofanywa kwa shughuli za kibinadamu  hususani  uvamizi  wa mifugo  kwenye  maeneo ya  ya hifadhi  hivyo  Wizara  inatowa wito  kwa   Wahifadhi wote  kushirikiana  na  Mamlaka  za  Mikoa  na  Wilaya  husika  kumaliza  tatizo  hilo.

  Aliwaagiza wahitimu wa  mafunzo  hayo  washirikiane  na wakuu  wao  kupanga mipango  itakayo  washirikisha  wananchi  katika  kumaliza  tatizo  la uvamizi  wa mifugo  kwenye  maeneo  ya  hifadhi  na  migogoro ya mipaka   kati ya  maeneo  ya  hifadhi  na  Vijiji.

Milanzi   aliwaomba  wananchi  wote kuendelea  kuheshimu   sheria  za   nchi  na kuacha  kufanya  shughuli  za  kibinadamu  kwenye  maeneo ya   hifadhi  kwani kufanya hivyo  watambue kuwa ni  makosa .

Alisema  kwa  kipindi  cha  miaka  ya  hivi  karibuni   Wizara ya   Maliasili na   Utalii  imeshuhudia  baadhi ya  matukio  ya mmomonyoko  mkubwa wa  maadili  hasa   kwa watumishi  wa  kada  ya   Askari  wao  wenyewe kujihusisha  na vitendo  vya  ujangili  na  mengine  mambo yasiyo faa  katika utumishi wa umma .

Alieleza kuwa  mafunzo waliopatiwa    wahitimu  hao   anaamini kuwa  kwa  kuwa wao ndio  viongozi wakuu wa  askari  watakwenda  kusaidia  kurudisha   nidhamu  kwa  askari  na watumishi  wa chini yao kwa kuwaelekeza   mambo mazuri  ya kujenga  wanayotakiwa  kuyafanya  ili kuhakikisha  kunakuwepo na uhifadhi endelevu wa maliasili  za  nchi .

  Kaimu   Mkurugenzi  Mkuu wa  Mamlaka ya  Wanyama  pori   Tanzania   Martin  Loibooki  alisema  ulinzi wa  rasilimali  za  Wanyama  pori  umeendelea  kuimarika   ndani  na  nje  ya  mapori ya  akiba na   tengefu  sambamba  na kuimarisha  ukaguzi wa    nyara  katika  maeneo  ya  mipakani  kwa kushirikiana   na wadau wengine.

  Chini  ya uongozi wa  Wizara  TAWA   imeshirikiana  na  idara  ya Wanyama pori ,TANAPA  na  mamlaka  ya  hifadhi   Ngorongoro NCCA  katika  kutekeleza  kazi  mbalimbali .

Alizitaja  baadhi ya  kazi  hizo  kuwa ni   kuandaa   rasimu  ya  kanuni  za jeshi usu  katika  sekta  za wanyama na mistu  na  na  kufanya  mapitio   ya  sheria  ya uhifadhi  wanyama pori  Namba  5 ya  mwaka 2009.

Mwakilishi w  Mkurugenzi   Mkuu wa  TANAPA        Mgana   Msindai    alisema       TANAPA  itaendelea  kushirikiana  na  wadau  mbalimbali  katika   kuhakikisha  rasilimali za   nchi   yetu   zinalindwa kwa  faida ya  sasa  na  kwa  vizazi   vijavyo.

MWISHO.