MPANDA KUPATA UMEME WA ORIO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 

Na  Walter  Mguluchuma .

   Katavi .

Wakazi wa  Wilaya ya  Mpanda  Mkoani   Katavi  wanatarajia kupata umeme wa  orio utakao wafanya waondokane na tatizo la kukatikatika kwa umeme  na  baadhi ya  vijiji  katika  Wilaya ya  Tanganyika  vitanufaika  na  mradi huo  vijiji  ambavyo wananchi wake hawaja wahi kuona umeme wa  nguzo ya umeme  toka  Wilaya hiyo ilipoanzishwa  .

Msimamizi wa  mradi huo   Eng  Stephen  Manda  aliwaambia jana  Madiwani wa  Maspaa ya  Mpanda waliotembea  mradi huo wa mashine  za kusambaza  umeme kuwa  mradi huo  umegharamiwa na   Serikali ya  Uholanzi kwa kushilikiana na  Serikali ya Tanzania na  utagharimu kiasi cha  shilingi  Bilioni 20.5.

Alisema  mradi huo wa    umeme wa  Orio  upo  katika  hatua za mwisho na utakamilika  mwezi watano mwaka huu  ambapo    ulipangwa kuwa umekamilika  mwezi julai  mwaka huu  ukiwa  umekamilika miezi miwili kabla ya muda uliokuwa umepangwa na kwa  hapa  nchini ni  mradi watatu   miradi mingine    kama huo imefanyika  atika  wilaya za  Ngala  na  Bihalamlo  Mkani  Kagera.

Mradi huo  katika  Wilaya ya  Mpanda  utafika   umbali wa  kilometa  79 na kuweza kufika   hadi   katika  baadhi ya  vijiji vya   Wilaya ya  Tanganyika   ambavyo wananchi wake   hawaja wahi  kuuwona umeme wala nguzo za umeme toka  Wilaya hiyo ilipoanzishwa  wakati wa  Mkoloni mwaka 1949 wakati huo I wakiwa katika  Wilaya ya  Mpanda  kabla  ya kuanzishwa  mwaka jana   Wilaya ya  Tanganyika .

Alifafanua kuwa  vijiji  ambavyo  vitanufaika  na umeme huo  katika  Wilaya ya  Tanganyika   ambavyo  havija  wahi kuona nguzo za umeme  ni  Kabungu ,Mchakamchaka ,Ifukutwa ,  Sijonga na pia  umeme  uwo  utafika  katika  Gereza la kilimo la Kalikankulunkulu   pamoja na shule ya  Sekondari ya Mpanda  Ndogo.

 Eng   Manda  alisema  mradi huo ni wakisasa  kwani mitambo yake   ni ya kisasa   na  hata  mashine zinawashwa   kwa  kutumia kompiyuta  na mitambo hiyo ni yakudumu kwa muda mrefu  wa miaka 25.

Kwa  upande wa   Wilaya ya  Tanganyika  wateja watakao taka kuwekewa umeme  na    shirika la umeme  TANESCO  watalipia kiasi cha  shilingi  elfu  ishirini  na  saba tuu.

Meya wa Manispaa ya  Mpanda   Willy  Mbogo  alisema  kuwa   mradi  huo  utakuwa ni  mkombozi kwa  wakazi wa manispaa ya  Mpanda  kwani utaondoa  tatizo la  umeme lililokuwepo la kukatika mara kwa mara .

 Aidha  alilipongeza  shirika la  umeme  TANESCO  Mkoa  wa  Katavi kwa kuwa   na  mawasiliano  mazuri na yakaribu kwa kutatua  matizo ya wateja kwa  haraka pindi yanapokuwa yametokea .

Diwani wa  Kata ya   Magamba  Philipo  Kalyalya   alisema  umeme  huo  utaleta   manadiliko   kwa  Mkoa wa  Katavi  kwa  wananchi wake kwa kuweza kujikomboa kiuchumi na  kimaendeleo .

Kwani  wafanyabiashara walikuwa wakishindwa kuanzisha viwanda vidogo kutokana  na kutokuwepo kwa  umeme wa uhakika  hivyo sasa  wanayofurusa ya kuanzisha    viwanda vidogo vidogo .

Haidari   Sumry  Diwani wa  Kata ya  Makanyagio  alisema pamoja na kupatikana kwa  umeme huo wa ORIO    vi  vema  Mkoa huo  ukaunganishwa na umeme  wa   gredi ya  Taifa kwani umeme wake ni wa  gharama  nafuu kuliko huo wa   jeneleta .

MWISHO