PINDA : BADO NINAZO NGUVU ZA KUTOA MCHANGO KWA TAIFA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

   

Na  Walter  Mguluchuma .

    Katavi .

  Waziri  Mkuu    Mstaafu wa   Serikali ya  Jamhuri ya  Muungano wa  Tanzania   Mizengo   Pinda  amesema  kuwa  bado  haja zeeka  na   anazonguvu kubwa za kutowa  mchango wa  maendeleo  ya  Taifa  licha ya kuwa  ameisha  sitaafu   kazi  Serikalini .

  Kauli  hiyo  aliitowa  hapo  jana  wakati    wa   ibada ya   juma pili  kwenye    misa ya  pili  iliofanyika  katika   Kanisa   la  Maria  Imamakulata  Jimbo   Katoliki la   Mpanda  wakati  alipokuwa   akizungumza  na  waumini  wa  Kanisa  hilo  kwenye  misa  ya    ibada  iliongozwa  na  Paroka  wa  Kanisa  hilo  Monsinyori  George  Kisapa .

  Pinda   alieleza kuwa   bado  anazo  nguvu za  kutosha kwa yeye kutowa   mchango wa  maendeleo kwa  Taifa  hili  na   kwenye  jamii  kutokana  na  hari ya  nguvu   alizonazo za  afya  ya kutosha .

  Alisema    mbali ya  kuwa  na  nguvu za kutosha  za kutowa  mchango kwa  Taifa  pia   bado   anazonguvu   za kutowa  mchango  pia  kwenye  Dini   kwani yeye  bado  haja  zeeka .

  Waziri  Mkuu   Mstaafu   Pinda   aliwaeleza waumini hao  kuwa  amefanya  kazi   Serikali  kwa kipindi cha  miaka   40   hivyo  ni   jambo la  kumshukuru  Mungu kwa  kipindi  hicho  chote  alichofanya  kazi  Serikalini.

Alifafanua  kuwa  katika  kipindi  hicho cha  utumishi  akiwa   Serikalini  miaka  ishirini  na  mbili   amefanya  kazi   akiwa   Ikulu na   miaka  15 kazi ya siasa  yaani   Ubunge  pamoja  na  miaka mitatu  amefanya  katika  ofisi ya  mwanasheria Mkuu  wa  Serikali .

  Aliwaomba  viongozi wa  Dini  wawaombee  viongozi wa  Serikali  wawe  na nguvu  na  afya za kuliongoza  Taifa   na  pia   waiombee  nchi  yetu   amani  na  utulivu ulipo  uzidi  kuendelea .

Pinda aliwaka  waumini wa  Kanisa  hilo  kuwapeleka watoto wao  kwenda  kusoma  kwenye   Seminali ya  Jimbo  hilo  inayoitwa   Mtakatifu    Paulo  ili  jimbo  hilo  liwe na   mapadri  wengi   kwani  yeye   binafsi  amevutiwa  pia  na  matokeo ya   ufaulu kwa kidato cha  pili kwa  kipindi cha  miaka miwili  mfululizo   Seminali  hiyo  imeshika  nafasi ya  kwanza kimkoa  licha ya  seminali  hiyo kuanzishwa  miaka  mitatu  iliyopita .

Paroka   wa  Kanisa  hilo   Monsinyori   Gerge  Kisapa  alimshukuru  waziri  Mkuu  huyo    mstaafu kwa  michango yake  mbalimbali ya  maendeleo  aliyoitowa kwenye  jamii na  kwenye  Kanisa wakati wa uongozi wake na  baada ya uongozi wake .

Alisema naungana na  Pinda kuwataka wazazi wawapeleke  watoto wao  kusoma  seminalini  kwani kusoma  huko sio  lazima       mtu  awe   padri    bali  Seminali kunasaidia  kupata  viongozi  bora  kama  Pinda   aliyosoma  katika   Seminali ya  Kaengesa  lakini  hakuwa  padre na  matunda yake yameonekana kwa  Taifa  letu   la  Tanzania .

MWISHO