SERIKALI YA MKOA WA KATAVI YA PIGA MARUFU UUZAJI NA UTUMIAJI WA VIROBA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

    Na  Walter  Mguluchuma .

         Katavi .

  Serikali ya  Mkoa  wa   Katavi  imepiga  marufuku  kuanzia sasa  uuzaji na utumiaji wa  pombe  za viroba  katika  maduka , Baa na  kwenye  maeneo mengine   Mkoani    Katavi  na yeyote   atakae  bainika  kukiuka  agizo  hilo   halali   atachukuliwa   hatua  kali za   kisheria .

Agizo  hilo  lilitolewa  hapo  jana  na  Mkuu wa  Mkoa wa  Katavi  Meja   Generali   Mstaafu   Raphael  Muhuga   mbele  ya   Wandishi wa  Habari   ofisini kwake.

  Alisema  kuanzia sasa  anatowa  tamko la   kusitisha  utumiaji ,uuzaji  na  ufungashaji  wa pombe  kali   kwenye   plastiki   ndogo   maarufu  kama  viroba  na yeyote  ambae  atakiuka   agizo  hilo  atachukuliwa  hatua  kali za kisheria   ili  iwe  fundisho kwa wengine .

Na   Mwananchi    wote wa   Mkoa wa  Katavi  wasisite  kutowa  taarifa  juu ya watu  watakao   kaidi  agizo  hilo   ili  waweze  kuchukuliwa  hatua kwa  mujibu wa  sheria .

Muhuga  alisema   matumizi ya  pombe  hizi   yamesababisha   athari  mbalimbali  hasa     kwa  vijana  na  yamechochea  uharifu  na kuongezeka   kwa  ajari  za  barabarani   zinazotokana   na   Bodaboda   hivyo  kupelekea  watu kuumia  na  wengine kupoteza  maisha .

 Pia   katika   baadhi ya   maeneo   Wanafunzi  wa  shule  za  Msingi  na  Sekondari   nao  wamekuwa ni  watumiaji  wakubwa wa   pombe  za   viroba .

Kuhusu  madawa ya  kulevya    alieleza kuwa   mpaka  sasa   Mkoa  huu      tayari  unayo  majina ya  watu 12  ambao  wanatuhumiwa  kujihusisha  na  matumizi ya  dawa za  kulevya na  uuzaji   pamoja  na  usambaji  ndani ya  Mkoa  na  nje ya  Mkoa .

  Alisema uchunguzi juu ya  watu  hao   bado  unaendelea  na  endapo   watabainika  watakamatwa na  vyombo vya  dola  na kuchukuliwa  hatua  za  kisheria  dhidi yao.

  mwisho