POLISI KATAVI WAKAMATA SILAHA SABA NA GOBORE 40 KIPINDI CHA MWAKA 2016.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

  Na  Walter   Mguluchuma .

         Katavi .

  Jeshi  la  Polisi  Mkoa  wa  Katavi  limekamata  silaha  sita za kivita na  Gobore  40  katika  kipindi  cha kuanzia  januari  mwaka  jana   hadi   Desemba    2016 kutokana  na    juhudi za jeshi  la   Polisi   kuimarisha   ushirikiano   mzuri  na   Wananchi  katika  kukabiliana   na  vitendo vya uharifu .

  Hayo  yalisemwa hapo jana  na  Kamanda wa Polisi wa  Mkoa  wa  Katavi  Damas  Nyanda   wakati   alipokuwa  akisoma  taarifa  mbele ya Wandishi wa  Habari  kuhusu  hali ya kiusalama   katika  Mkoa wa  Katavi  kwa kipindi cha  mwaka   2016   kuhusu  makosa  yanayo  husu  uhalifu  na  makosa ya usalama  barabarani .

 Alisema  katika kipindi cha  mwaka  jana    Jeshi la  polisi  lilifanikiwa  kukamata  jumla  ya   silaha  saba   ambazo  ni   Submachine   Gun  sita   Shor   gun  moja  pamoja  na  Gobore  40 ambapo  katika  kipindi  hicho  watuhumiwa  29 walikamatwa  na  kesi zao   zipo  katika  hatua  mbalmbali  Mahakamani .

Katika  kipindi cha mwaka 2016   silaha  zilizosalimishwa   kutoka  mikononi  mwa    Wananchi i  ni  Submachine  Gun  nne  na  Gobore   81  mafanikio  hayo yametokana  na    wananchi  kuendelea  kuelimika  kupitia  vikao  mbalimbali   vinavyoendelea  kufanywa vya kuwaelimisha wananchi .

Kuhusu   uhakiki wa  silaha   alisema   katika  kipindi cha mwaka  jana   silaha  zilizohakikiwa  zinazomilikiwa  kwa  mujibu wa  sheria   zilikuwa ni  asilimia   74.63 na jeshi la  polisi    linaendelea   kuwahimiza  wananchi  wnaomiliki   silaha  waendelee kujitokeza  kuhakikiwa   vinginevyo   hatua  kali    zitachukuliwa  kwa  wale  watakao  bainika  kumiliki   silaha    psipo  kahakikiwa   hata  kama  wanauhalali na   silaha  hizo .

Kwa  upande wa  ajali  Kamanda   Nyanda   alieleza  kuwa  matukio ya  ajari kwa  kipindi cha mwaka  jana  yalikuwa  ni   65  ukilinganisha na   ajari  112   zilizotokea   mwaka  2015  hivyo  kufanya kupungua kwa  ajari   47  ambazo ni sawa   asilimia 42.

Katika  kipindi cha  mwaka 2016     watu    34   walikufa  kutokana  na  ajari za   barabarani  ukilinganisha  na  vifo vya   watu     49 walikufa mwaka 2015  hivyo  kufanya  upungufu wa vifo   15  sawa na  asilimia 31 na  majeruhi kwa mwaka  jana walikuwa ni   85  wakati mwaka  2015 majeruhi  walikuwa ni 112.

Kamanda  Yanda  alisema   matukio ya  ajari yameweza  kupungua  Mkoani  hapa  kutokana  na   elimu   inayotolewa   ya kuelimishwa  watumiaji wa   vyombo vya  moto  kwa kukaguliwa mara kwa mara  pamoja  na  kuzingatia   sheria  za  usalama  barabarani  kwani  kauli mbiu   yetu  ilikuwa  ni   Hatutaki   ajali , tunataka   kuishi  salama  alisema  Kamanda   Nyanda .

MWISHO