TAKUKURU KATAVI KUANZA MAADHIMISHO YA SIKU YA MADILI KWA KUSIKILIZA KERO ZA WANANCHI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

                Na  Walter  Mguluchuma .

                       Katavi .

  Taasisi  ya  kuzuia  na  kupambana  na   Rushwa  TAKUKURU    Mkoa  wa    Katavi  wakati wa   maadhimisho  ya   siku   ya  Kimataifa  ya kuzuia na kupambana   na  Rushwa   imepanga    kusikiliza  kero za   Wananchi    na kuwaelimisha  Wananchi  kuhusu  mamlaka ya TAKUKURU   na   umuhimu  wa kuripoti   vitendo vya  Rushwa  na   athari  za   Rushwa .

Kaimu  Mkuu  wa   Takukuru  Mkoa  wa   Katavi   Cristopha     Nakua   aliwaambia   Wandishi wa  Habari   jana   Ofisini  kwake  kuwa    TAKUKURU  Mkoa wa  Katavi  itaanza   maadhimisho ya  siku ya   Kimataifa  ya kuzuia na kupambana  na   Rushwa   hapo     Desemba   tano na watahiadhimisha  Desemba  10.

 Alieleza  katika     uzinduzi  wa   maadhimisho   hapo  Desemba  5  wamepanga  kusikiliza  kero za  Wananchi ,kugawa   machapisho  na  kuelimisha  Wananchi   kuhusu   mamlaka ya  TAKUKURU .

  Pia  watawaelimisha  wananchi   nanma ya kutowa  taarifa  na umuhimu wa kuripoti  vitendo  vya   Rushwa  na   athari  za  Rushwa   pamoja  na   kuwaelisha   makosa ya  rushwa .

Katika   siku  ya  kilele    cha   maadhimisho   hayo    Desemba 10   TAKUKURU    Mkoa wa   Katavi   imeandaa   mdahalo   kujadili   maada  zinazohusu   rushwa  na  maadili  walengwa  wakubwa  wakiwa  ni     Vijana  na    makundi  mbalimbali .

Nakua  alieleza   siku  hiyo ya  maadhimisho  ni  siku  maalumu  kwa  Serikali  na   jamii    duniani   kote  kujitathimini  wamefanya  nini   na  wanafanya  nini  katika  kuimarisha ,kuendeleza  na  kufanikisha   mapambano   dhidi ya   rushwa .

Allfafanua   kuwa  majukumu   makubwa  ya  Takukuru  ni  kufanya  uchunguzi  na kuendesha  mashitaka ,kuelimisha  umma     pamoja   na  kufanya  tafiti   na  udhibiti  ikizihusisha   Taasisi za  Serikali  na  mashirika  ya  umma  na  Taasisi  binafsi   katika  mapambano  dhidi ya  rushwa  na kuzishauri  Taasisi  husika  ili kuziwezesha  kubaini  na kuzuia     vitendo  vya   rushwa.

 Alisema  hapa   Tanzania    siku   hiyo  huitwa     siku ya  maadili   Kitaifa  na  huadhimishwa    desemba   10  kwa  kuwa  Desemba 9 ni  sikukuu ya  uhuru  wa  Taifa  letu   na  mwaka huu  Kitaifa  yatafanyika   Dares salaam.

MWISHO