MILA NA DESTURI NDIZO ZINAZOSABABISHA MKOA WA KATAVI KUWA NA MIMBA NYINGI ZA UTOTONI - MGANGA MKUU WA MKOA

  Na  Walter  Mguluchuma  .

        Katavi yetu blog

  Mganga  Mkuu  wa  Mkoa  wa     Katavi   Dr   Yahaya  Hussein ameeleza  kuwa   Mkoa  wa  Katavi   unakabiliwa  na  tatizo  kubwa  la  mimba za utotoni   zinazosababishwa  na  mila  na  destuli za   baadhi ya  makabila yanaishi  katika  Mkoa   huo .

  Alisema  hayo  hapo  jana  mbele ya  wandishi wa  Habari  wakati  alikuwa  ofisini  kwake   wakati  alipokuwa   akitowa  ufafanuzi  wa  taarifa  iliyotolewa   hivi   karibuni na  Taasisi  ya  Takwimu  ya  Taifa  ya  mwaka  2015 na  2016 DHS  inayoonyesha   Mkoa wa   Katavi  unaasimila  45 ya   mimba  za  utotoni .

Dr  Yahaya  Hussein  alieleza  kuwa  tatizo kubwa  la   wasichana   kubeba  mimba  za  utotoni  lipo  zaidi    katika   maeneo ya   makazi  ya   wakimbizi ya  Katumba    Wilaya ya  Mpanda   Mishamo    Wilaya  ya  Tanganyika  na  zimekuwa  zikisababishwa  na  mila  na   desturi  za  watu  wanao  ishi   kwenye  makazi  hayo .

 Alifafanua  kuwa   wakazi   wanaoishi  kwenye  maeneo  hayo  ni  wale  wtu  waliokuwa  raia wa   Nchi ya   Burundi  ambao   hivi  karibuni  wamepewa  urai wa   Nchi ya  Tanzania .

  Alisema   wamekuwa  wakipokea  akina  mama  wajawazito   wengi katika  Mkoa huu  kwenye  Hospitali na  vituo vya  Afya wanaoshindwa  kujifungua  kutoka  kwenye  maeneo  hayo  kutokana    na  pingamizi  la  uzazi  unaosababishwa  na  wasichana  kubeba  mimba  wakiwa na  umri   mdogo .

   Hari  hiyo ya   kubeba    mimba  za  utotoni   imepelekea   baadhi  ya  wajawazito  kupoteza  maisha  yao  wao  na  watoto wakati wa kujifungua  na  pia  badhi  yao wamekuwa  wakipata  ugonjwa wa  fesitula .

Pia  kiuchumi  wamekuwa  wakiongeza   mzigo   kwenye    Serikali   kwani  gharama   inayotumika  wakati wanapokuwa  wameshindwa  kujifungua  kwa  njia  ya  kawaida  na kufanyiwa  upasuaji   huwa ni  kubwa  na pia  gharama ya  matibabu ya   fesitula  nayo ni    kubwa pia  ambapo   serikali  hubaba  mzigo huo.

Mganga  Mkuu   huyo   alieleza   kuwa    wasichana  hao   wenye   umri  mdogo  wamekuwa wakiolewa    na  watu   wenye   umri  mkubwa   hari  ambayo  imekuwa  ikiwalazimu   waishi  maisha   ambayo  hayalingani na  umri  wao .

 Mkuu wa  Mkoa  wa   Katavi   Meja   Generali    Mstaafu  Raphael  Muhuga   alisema    wakazi wanaishi  kwene   Makazi ya   Katumba  na   Mishamo  ambao  walikuwa ni  Raia wa  Nchi ya  Burundi   sela  yao  waliotoka   nayo  Burundi ni  kushindana   kuzaa  hivyo wamekuwa wakizaliana  bila kujali umri.

   Hivyo    Mkoa  kuonekana  unaidadi kubwa  ya  mimba  za  utotoni  ni  kutokana  na  maeneo    hayo    ambayo wazazi   hawaini  kitu  cha  ajabu  msichana  kubeba  mimba   akiwa na  umri  mdogo  wao ni  jambo  la  kawaida kutoka  na  mila  zao

  Alisema   Mkoa   umepanga  kuhakikisha   kila   kiongozi   anae  kwenda   kwenye  maeneo  hayo   anawapatia   elimu  wananchi hao  juu ya   madhara ya  mimba  za  utotoni  na  faida za  uzazi  wa   mpango .

Nae   Mratibu  wa  Marie  Stopes    Tanzania  wa  Mkoa   wa  Katavi   Seif  Mjuni  alisema  kuwa  tatizo la  mimba  za  utotoni  limeenea  kwenye   makazi  ya  Katumba  ,  Mishamo  na  Kata  ya   Maji  moto  Wilayani   Mlele  wanako  ishi  jamii ya  wafugaji .

  Alisema  mbali ya   tatizo la  mimba  za  utotoni  kuchangiwa  na  mila  na  destuli   tatizo jingine  linalosababisha ni  uwelewa   mdogo wa  wananchi   kuhusu   afya  ya  uzazi .

  Ndio  maana  Marie  Stopes  katika  Mkoa  wa  Katavi  wameweka   utaratibu  wa  kufika  kila  Halmashauri zote  za  Mkoa  wa  Katavi na  kutowa  elimu kwa  muda wa  siku   mbili  kila  mwezi juu ya   elimu ya  uzazi .