MAKUNDI YA UCHAGUZI MKUU UJAO YAITESA CCM MKOANI KATAVI WASIMAMISHA VIONGOZI WAO

Na  Walter  Mguluchuma

Mpanda Katavi

 Hari ya siasa ndani ya uongozi wa CCM Mkoani Katavi  si shwari  kutokana na mgawanyiko  wa  makundi yaliopo ya watu watakao kuwa wanagombea nafasi ya ubunge  kupitia chama hicho katika uchaguzi mkuu ujao wa 2015 hari ambayo imepelekea baadhi ya viongozi kusimamishwa yadhifa zao na wengine kupewa onyo

Makundi hayo yamedhihililika hivi karibuni katika kikao cha kamati ya siasa cha Mkoa wa Katavi kilichofanyika hivi karibuni na kutowa uamuzi wa kuwasimamisha baadhi ya viongozi wake  ambapo ndani yakikao hicho  baadhi ya wajumbe walitaka  viongozi hao wasisimamishwe

Viongozi waliosimamishwa ni  Katibu mwenezi wa CCM wilaya ya Mpanda Joseph  Lwamba ambae  anatuhumiwa  kuwa amekuwa akikwamisha shughuli za Chama  na kukisema chama hicho vibaya

Pia katika barua zao walizokabidhiwa juzu zilizoandikwa septemba 1 mwaka huu  katibu mwenezi huyo  anatuhumiwa kushindwa kuwahamasisha wananchi wajitokeze  kwa wingi kwenye mapokezi  na mikutano  ya hadhara wakati wa ziara ya Katibu Mkuu Abdalamani Kinana wakati wa ziara yake wilayani Mpanda mwaka huu na kusababisha wajitokeze wananchi wachache

Kiongozi mwingine aliyesimamishwa ni  mjumbe wa kamati ya siasa wa Mkoa wa Katavi  ambae pia ni Mwenyekiti wa CCM wa Wilaya ya Mpanda Beda Katani

 Yeye amesimamishwa ujumbe wa kamati ya siasa ya Mkoa kwa kile anachodaiwa  kuendesha  kampeni  za  mtu mmoja ambae  anania ya kugombea ubunge wa  jimbo  la Mpanda Mjini kupitia CCM kwenye uchaguzi mkuu ujao

 Pia Kamati ya Siasa hiyo ya Mkoa  imemwandikia  barua za onyo  Mbunge wa Viti  Maalumu wa Mkoa wa Katavi (CCM) Dr Pudensiana Kikwembe kwa kutoridhika kwao na mwenendo wake kwenye jamii

 Kwa mujibu wa mmoja wa wajumbe wa kamati hiyo alimweleza mwandishi wa habari hizo kuwa kikao hicho kimemwandikia barua ya onyo Galus Mgawe ambae anatuhumiwa kuanza kampeni za kugombea ubunge wa Jimbo la Mpanda Mjini kabla ya muda wake kuwa umefikia

Kumekuwepo na  mgawanyiko ndani ya  Chama hicho  kwenye  wajumbe wa kamati ya siasa  za Wilaya ya Mpanda na kamati ya Siasa ya Mkoa ambapo baadhi ya wajumbe wamekuwa wakishutumiana  kuwa kuna wagombea ambao pande hizo mbili zinawafanyia kampeni  za ubunge wa Jimbo la Mpanda Mjini ninaloongozwa na Mbunge wa sasa Said Arfi (CHADEMA)aliyeliongoza kwa vipindi viwili sasa

Makundi hayo yalijidhihirilisha wakati wa ziara ya  Katibu Mkuu Abdalamani Kinana  ambapo  baadhi ya viongozi walitupiana maneno ya kushutumiana mbele ya Kinana  na  baada ya kushutumiana Mwenyekiti wa CCM wa wIlaya ya Mpanda na Katibu mwenezi  wake waliacha kwenda ofisini kwa kile walichokuwa wakidai  katibu wa chama wa Wilaya Hamida Mbogo  apangiwe kituo kingine cha kazi kwani yeye amekuwa akirudisha nyuma shughuli za chama

Mmoja wa viongozi ho waliosimamishwa Joseph Lwamba amekiri kupokea barua ya kusimamishwa kwake ingawa barua hiyo  amedai inamakosa kwani  inaonyesha barua hiyo imeandikwa Sptemba 1 mwaka 2001 bada ya septemba 1 mwaka huu

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.