AKAMATWA NA GOBOLE NA RISASI MBILI AKIMILIKI KINYUME CHA SHERIA‏

Na Walter Mguluchuma-Blogzamikoa

Mpanda

Jeshi la polisi mkoa wa Katavi limemkamata Juma Nsokolo (32) mkazi wa kijiji cha Kashishi Tarafa ya Mpimbwe wilaya ya Mlele akiwa na silaha aina ya Gobole ikiwa na risasi mbili akimiliki kinyume cha sheria

Kaimu kamanda wa polisi wa mkoa wa Katavi Emmanuel Nlay alisema mtuhumiwa alikamatwa hapo mei 23 mwaka huu majira ya saa 8 mchana

Alisema mtuhumiwa alikamatwa na silaha hiyo wakati akiwa katika harakati za kutaka kwenda kuwinda wanyama katika hifadhi ya taifa ya Katavi

Nlay alieleza baada ya mtuhumiwa kukamatwa na askari polisi na Askari wa hifadhi ya wanyama pori wa Katavi alikutwa pia na risasi mbili na fataki mbili

Mtuhumiwa alikamatwa na askari hao kufuatia dolia zinazoendelea katika mkoa wa katavi yenye lengo la kupambana na matukio mbalimbali yakiwemo ya ujangili.

Kaimu kamanda alisema uchunguzi wa tukio hili umekamilika na mtuhumiwa anatarajiwa kufikishwa mahakamani 

www.blogszamikoa.blogspot.com