WAKAMATWA NA MENO YA TEMBO YA THAMANI YA ZAIDI YA MILIONI 22‏

Na Walter Mguluchuma

Mpanda Katavi

Watu wawili mtu na mke wake wanashikiliwa na jeshi la polisi mkoani Katavi  kwa tuhuma za kukamatwa na meno ya tembo yenye thamani ya zaidi ya shilingi Milioni 22

Kaimu kamanda wa polisi mkoa wa katavi Joseph Myovela amewataja watuhumiwa walio kamatwa kuwa ni  Justin Jailos (33)  mkazi wa mtaa wa Kawajense wilayani mpanda  na mwananke mmoja aitwaye  Magdalena  Kimali  (28) mkazi wa mkoa wa Kigoma.

Alisema watuhumiwa hao  walikamatwa  Oktoba 15 mwaka huu majira ya saa 9 usiku   nyumbani  kwa  Justin katika mtaa wa Kawajense mjini Mpanda.

Watuhumiwa  hao walikamatwa kufuatia  kupatikana kwa taarifa za siri  za kuwepo  kwa  meno ya tembo   nyumbani kwa watuhumiwa walio kuwa wakiishi pamoja.

Baada ya kupatikana kwa taarifa  hizo  askari wa hifadhi  ya Taifa ya Katavi  kwa kushirikiana  na askari polisi walifika  nyumbani kwa mtuhumiwa  ilikufanya upekuzi  kwa kuwashirikisha  viongozi wa mtaa husika. 

Myovela alieleza baada ya askari kujitambulisha kwa mtuhumiwa na kumweleza nia yao ya kufika kwenye eneo hilo watuhumiwa walikiri kuwepo kwa nyara hizo ndani ya nyumba yao.

Ndipo wao wenyewe walipo ingia ndani ya nyumba nyumba na kutowa nyara hizo za serikali kabla ya kufanyiwa upekuzi  zikiwa zimehifadhiwa ndani ya ndoo. 

Baada ya kufungua ndoo hiyo ya plastic walikuta vipande  vitano vya meno ya tembo ambavyo ni sawa  na tembo mmoja mwenye thamani ya shilingi  Milioni 22,500,000.

Kaimu kamanda Myovela alisema watuhumiwa wote wawili tayari wamefikishwa katika Mahakama ya Hakimu Mkazi ya wilaya ya Mpanda kujibu mashitaka  ya kukamatwa na nyara za serikari kinyume cha sheria