SUNGUSUNGU WA KATA YA MAMBA WACHANGIA MAWATI ZAIDI YA 100 YENYE THAMANI YA ZAIDI MILIONI 9.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399

Mwenyekiti wa Sungusungu  wa   Tarafa  ya  Mamba  katika   Halmashauri ya  Mpimbwe  Mtamila Mwitasheo   akikabidhi  madawati 105  yenye  thamani ya  zaidi ya  shilingi  milioni 9 kwa mkurugenzi wa  Halmashauri ya   Mpimbwe  Elasto  Kiwale   madawati  hayo yametolewa na    Sungusungu wa  Kata ya   Mamba kwa ajiri ya   shule za  Msingi za  Kata  hiyo.
Picha  na  Walter  Mguluchuma

  Na  Walter  Mguluchuma .

         Katavi .

  Walinzi wa   jadi  SUNGUSUNGU  wa     Kata ya  Mamba  katika  Wilaya ya  Mlele   Mkoani   Katavi wamekabidhi  madawati  zaidi ya 100   kwa uongozi wa  Serikali ya  Wilaya ya  Mlele    yenye  thamani ya  zaidi ya   shilingi  milioni  tisa  kwa  ajiri ya kupunguza  tatizo   la upungufu wa  madawati  uzazo  zikabili  shule za  Msingi  katika   Halmashauri ya  Mpimbwe.

  Madawati  hayo walikabidhi  hapo  jana kwa   Mkurugenzi wa  Halmashauri ya  Halmashauri ya  Mpimbwe    Elasto  Kiwale  katika  afla  iliyofanyika  katika  viwanja  vya  ofisi ya  Mtendaji wa  Kata  hiyo.

Mwenyekiti wa  Sungusungu wa  Tarafa ya  Mamba   Mtamila  Mwitasheo  alisema katika   kumuunga  mkono  Rais  John  Magufuli  juu ya kuondoa tatizo la  upungufu wa  mawati  katika  shule za   msingi na   sekondari  Sungusungu wa  Kata ya  Mamba  wamechangia  madawati  105  yenye  thamani ya   Tshs 9,300,000  kwa  ajiri ya  shule za  Msingi  katika   Kata hiyo .

 Alisema   fedha za  kutengenezea   madawati  hayo  zilitokana  na     faini  ndogo  ndogo   ambazo  wamekuwa wakiwatoza watu  hivyo na  wao  Sungusungu  waliamua  fedha  hizo  zilizopatikana  zitumike  kwa     ajiri ya kutengeneza   madawati .

Mwenyekiti  huyo  wa  Sungusungu   alieleza kuwa   Watemi wa  Sungusungu   kwenye   shughuli zao  za  kulinda usalama wamekuwa wakikabiliwa na  changamoto  mbalimbali  ambazo  zimeanza kuwakatisha tama  katika utendaji wao wa kazi  za  ulinzi  .

Katika  risala  iliyosomwa  na   Katibu wa  Sungusungu wa  Kata  hiyo   Mabula   Patrick  alieleza  kuwa   pamoja na kutowa  madawati  hayo    Sungusungu  pia  wamechangia ujenzi wa   vyumba vya  madarasa   na  nyumba za   walimu  katika   Tarafa  ya   Mamba .

 Alisema   malengo yao    ni kuhakikisha wanamuunga  mkono   Rais  katika  kuhakikisha  wanamaliza   kabisa   tatizo la upungufu wa  madawati  , nyumba  za  walimu  na  vyumba  vya   madarasa.

   Mkurungezi  wa   Halmashauri ya  Mpimbwe   Elasto  Kiwale    alisema   madawati  hayo waliokabidhiwa  yatasaidia  kupunguza   tatizo la  upungufu wa   madawati   uliokuwepo   katika   Halmashauri  hiyo .

Aliwaomba pia  waendelee  kuchangia  kwenye  sekta   nyingine   na   waendelee  kushirikiana  na  Serikali   katika   maswala ya  kuleta  maendeleo kwani  Serikali  peke yake    bila  kushirikiana  na  wananchi haiwezi kutatua changamoto zilizopo .

  Pia  aliwataka  Sungusungu  wafafanye  kazi  zao  ulinzi  kwenye  maeneo  yao  kwa kuzingatia  sheria  za  nchi  ili kuondokana   na  baadhi ya  malalamiko   dhidi yao yanayokuwa   yanajitokeza wakati wanapofanya  shughuli za ulinzi .

Mwenyekiti  wa  Halmashauri  hiyo   Nyansongo   Serengeti   alisema  pamoja  na   sungusungu   kufanya  shughuli za ulinzi  wameonyesha  mfano wa kuingwa kwa  kuchangia   maendeleo kwenye  jamii.

 Alieleza  kuwa  eneo la  Sungusungu  ni  la  muhimu   sana  kwa kuwa  wanalojukumu  la kuleta    maendeleo  kwenye  maeneo  yao  wanayoishi .

Aliwasisitiza wahakikishe  wanashirikiana  na  jeshi la polisi  katika kuwafichua na kuwabaini watu wote  ambao  wanajihusisha na utumiaji na uuzaji wa  dawa za kulevya .

 Diwani  wa  Kata ya  Mamba   Pascal  Sanane   aliwapongeza  Sungusungu  hao kwa uzalendo wao wa  kuchangia  madawati  kwani  fedha hizo  walizozitumia kutengeneza    madawati wangewaza kuamua kuzigawana  wenyewe  lakini   hawakufanya  hivyo.

  Mwisho