MASHEKHE WATANO WAJIONDOA UONGOZI WA BAKWATA WA MKOA WA KATAVI .

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


Na  Walter  Mguluchuma .
   Katavi .
Mashekh  watano  kati ya  sita wanaunda    baraza la    Halmashauri ya  Bawata ya  Mkoa wa  Katavi wametangaza kujiuzuru nafasi hiyo kwa  kile walichodai  kuwepo kwa mingongano ya uongozi na ukiukwaji wa   katiba ya  Bakwata .
Mashehke  hao walitangaza  hatua yao ya kuziuzu  hapo  jana  katika  kikao chao na  wandishi wa  habari  kilichofanyika  hapo  jana    mjini  hapa   na kuhudhuriliwa na   Mwenyekiti wao  Shekh  shaban  Bakari .
  Waliotangaza  kujiuzuru ni  Shekhe  Mashaka  Nassoro  Kakulukulu,  Shekhe  Hassani  Mbaruku,  Said  Hruna  Omary ,  Mohamed  Shabani  Sigulu  na  Mwenyekiti wao wa  baraza la   Halmashauri ya Bakwata   Mkoa wa  Katavi .
  Kwa  upande  wake  Shekhe   Mashaka Nassoro  Kakulukulu  alisema  yeye  haoni   sababu ya  kuendelea   na  nafasi  hiyo   kwa  kile   alichodai  kuwa  kumekuwepo na  baadhi ya  mambo ya kimaendeleo  yemekuwa  hayaendi sawa  ndani ya uongozi wa  Bakwata  Mkoa wa  Katavi .
 Alisema  kuwa  hata  katiba ya  Bakwata  imekuwa  ikikiukwa na  kumekuwepo na mgongano wa  baadhi ya maamuzi yanayotolewa  na  vikao  halali vya kuleta  maendeleo na  kutenguliwa  na  vikao  visivyo  halali  kwa  mujibu   wa  katiba ya  Bakwata .
Shekhe  Said   Omary  alisema  yeye  sababu kubwa  ilimfanya   achukue uamuzi huo wa kujiuzuru  ni  kutokana  na  mazingira  ya  viongozi wa  Bakwata kutofuata   Katiba .
Mohamed   Shaban  Sigulu    alisema   yeye   ameamua  kujiuuzuru kutokana na  uongozi wa  Bakwata kuwa na  msuguano    hari   ambayo imefanya  hata  miradi  ilipo  kusimama   kutokana na  msuguano wa kiuongozi .
  Alifafanua  kuwa  msuguano  huo uliopo  ndani ya  Bakwata umesababisha   hadi   mwalimu wa   madras I  katika msikiti  mkuu wa  Mkoa wa   Katavi kuamua kuacha kazi  hiyo  hivi  karibuni.
Mwenyekiti wa  Baraza  la   Halmashauri ya  Bakwata wa  Mkoa  Shaban  Bakari  alisema  ameamua  kujiuzuru  nafasi  hiyo  kwa   ajiri ya  kuwepo kwa  msuguano  ndani ya uongozi wa  Bakwata  Mkoa  hari  ambayo imekuwa  ikisababisha  baadhi ya vikao kufanyika  bila kuwepo kwa  wajumbe  halali wa vikao husika .
  Hivyo     yeye  haoni    tena  sababu ya   yeye kuendelea  kuwa     Mwenyekiti na   badala yake   anaona ni  vema  watafute     mtu   mwingine   afanye  kazi  hiyo.

JELA MIAKA 20 KWA KOSA LA KUPATIKANA NA NYAMA YA KIBOKO ZAIDI YA KILO 110.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


Na  Walter  Mguluchuma .
   Katavi .
Mahakama ya  Wilaya ya  Mpanda  Mkoani  Katavi imemuhukumu   Omary  Maganga  45  Mkazi wa  Kijiji cha  Itenka  Rarafa ya  Nsimb0   Wilaya ya  Mpanda kutumikia  jela kifungo cha miaka    20  jela baada ya kupatikana na  hatia ya kukamatwa na  nyama ya Kiboko zaidi ya kilo 110  .
Hukumu  hiyo ilitolewa  hapo jana  na  Hakimu  Mkazi   mfawidhi wa  Mahakama ya  Wilaya ya  Mpanda  Chiganga  Ntengwa  baada ya  Mahakama   kulidhika na  ushahidi uliotolewa  Mahakamani  hapo na   upande wa  mashitaka uliokuwa ukiongozwa na  Mwanasheria wa  Serikali   Fraviani   Shio.
Awali  katika  kesi  hiyo       mwendesha  mashitaka  mwanasheria wa  Serikali   Fraviani  Shio   alidai   Mahakamani  hapo  kuwa     mshitakiwa  Omary  Maganga  alitenda  kosa  hilo  hapo   Oktoba 10 mwaka 2016 majira ya  saa  kumi  jioni.
 Alidai kuwa  siku  hiyo ya tukio  mshitakiwa  alikamatwa   akiwa   ndani  ya  Hifadhi ya  Taifa ya  Katavi  huku   akiwa  na   nyama ya  kiboko  yenye  uzito wa kilo 118 yenye  thamani ya  Tshs 3,274,500.
Mwanasheria   huyo wa  Serikali    aliiambia   Mahakama  kuwa  mshitakiwa  huyo  alikamatwa  na   askari wa   Hifadhi ya  Taifa ya   Katavi  baada  ya kuwa  wamepata taarifa kutoka kwa raia  wema za kuwa   mshitakiwa amekuwa akifanya ujangili kwenye hifadhi ya Taifa na  ndipo walipoanza msako na kufanikiwa kumkamata  siku  hiyo akiwa ndani ya Hifadhi ya Katavi huku akiwa na nyama hiyo ya Kiboko.
Akisoma  hukumu  hiyo   Hakimu  Chiganga  alisema  kuwa  kutokana  na   ushahidi uliotolewa  Mahakamani  hapo  na  upande wa  mashitaka  ambao  ulikuwa  na  mashahidi watano na  na  mshitakiwa  hakuwa  na  shahidi yoyote alisema   Mahakama  pasipo   mashaka yoyote imemwona  mshitakiwa   akiwa  amepatikana  na   hatia  ya kifungo cha sheria   Namba  86 kifungu   kidogo cha  kwanza na cha pili  cha   sheria ya  wanyama  pori  Namba 5 ya  mwaka  2009.
 Hivyo   kabla ya  kusoma  hukumu  alitowa  nafasi kwa  mshitakiwa ya kuweza kujitetea na  kama   anayosababu yoyote ya  msingi ya kuweza kuishawishi  Mahakama  iweze kumpunguzia   adhabu.
Mshitakiwa  Maganga    katika  utetezi wake  aliiomba  Mahakama impunguzie  adhabu  kwa kwa  kile aichodai    hilo  lilikuwa ni kosa   lake  la  kwanza  katika  maisha yake  na  pia  anayofamilia   ambayo  inamtegemea ya  mke na watoto pamoja na wazazi wake .
 Utetezi huo ulipingwa vikali na  mwanasheria wa  Serikali  Fraviani  ambae  aliiomba  Mahakama  itowe   adhabu kali kwa  mshitakiwa ili   iwefundisho kwa watu wengine  wenye  tabia ya kuhujumu uchumi wa  nchi.
   Hakimu  Chiganga  Ntengwa  baada ya  kuzisikiliza  mbili  aliiambia  Mahakama  kuwa  mshitakiwa  Omary  Maganga  kutokana   na makosa yaliomtia  hatiani   Mahakama  imemuhukumu kutumikia  jela kifungo cha miaka 20 kuanzia  jana  na  kama  haja ridhika   na  adhabu hiyo  inayonafasi ya kukata rufaa kwenye  Mahakama ya juu zaidi .

  MWISHO

AFIKISHWA MAHAKAMANI AKIWA NA MAKOSA MANNE LIKIWEMO NA LA UHUJUMU UCHUMI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


Na   Walter  Mguluchuma.
 Mlele  Katavi

MKAZI wa Sumbawanga mjini mkoa Rukwa , Raphael Kusa (18) amefikishwa  katika Mahakama  ya Wilaya ya Mlele  mkoani   Katavi akishtakiwa kwa makosa manne   ya uhujumu uchumi  ikiwemo kukutwa na nyara za Serikali zenye thmani ya zaidi ya Sh milioni 3.0
Mshtakiwa huyo alifikishwa jana mbele ya Hakimu  Mkazi   Tiotemus Swai wa  Mahakama ya   Wilaya ya  Mlele  Mkoani  Katavi ambapo hakutakiwa  kujibu lolote  kwa kuwa makosa  yote manne  yameagukia  kwenye makosa ya uhujumu uchumi ambapo  mahakama hiyo haina malaka ya kuisikiliza  ilisipokuwa Mahakama Kuu .
Kusa anashitakiwa kwa makosa ya kukutwa na  bunduki aina  ya gobori , vilipuzi vyenye nuzito wa gramu 200 na risasi 21 za gobori bila kuwa na kibali halali ambapo ni kinyume  na Sheria ya  uthibiti wa silaha na risasi kifungu cha sheria namba 20(1) (2)  ikisomwa pamoja na Sheria ndogo  namba 2 ya 2015 ya uhujumu uchumi  .
Pia nashtakiwa  kwa mujibu wa Sheria  ya milipuko  kifungu cha Sheria namba 11(1) ikisomwa pamoja na Sheria namba 3 ya 2016
Pia alikuwa  nyara za Serikali  ukiwemo mkia wa nungunungu wenye thamani  ya Sh 336,000/-  na mikia miwili ya mnyama pori aitwae pongo  kwa jumla ikiwa na thmani ya Sh 1,344,000/-ikiwa nikinyume cha Sheria  namba 5  ya 2009 , kifungu cha 86(1) (2) (b) (II)
Swai aliamuru  mshtakiwa kurejeshwa rumande baada ya kushindwa kutimiza  masharti ya dhamana  huku akiiahirisha  kesi hiyo hadi Desemba 22 , mwaka huu itakapotajwa tena .
Awali Mwendesha Mashtaka , Mkaguzi wa Polisi , Baraka Hongoli alidai mahakamani hapo kuwa  mshtakiwa alitenda makosa hayo Desemba 03, mwaka  huu ndani ya Pori la Hifadhi la Rukwa – Lwafi  wilayani Mlele mkoani humo .
Mwisho

CCM KATAVI WAPATA MWENYEKITI MPYA WA MKOA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


 Na  Walter  Mguluchuma.
     kATAVI

ALIYEKUWA Mwenyekiti wa  (CCM) wa   Wilaya ya  Mpanada mkoani   Katavi   Beda  Katani  amechaguliwa  kuwa  Mwenyekiti wa  CCM  wa  Mkoa wa  Katavi  baada ya kushinda  mgombea   mwenzake  kwenye  nafasi hiyo  Enock  Gwambasa  ambae  aliwahi kuwa  meya wa  Manispaa ya  Mpanda .

Msimamizi Mkuu wa Uchaguzi ,    Deo  Njinjimbi alimtanga Katani   kuwa  Mwenyekiti mpya wa CCM mkoa wa   Katavi  baada ya  kuchaguliwa  na wajumbe wa Mkutano Mkuu wa CCM mkoa wa  katavi uliofanyika jana na matokeo kutangazwa  jioni  mjini  Mpanda.

Katika uchaguzi huo  Beda  Katani ” alipata kura 304 , huku mpinzani wake  Enock  Gwambasa  akipata kura   46 nafasi hiyo ya  Mwenyekiti wa  CCM   wa    Katavi ilikuwa na wagombea wawili tuu .
Mkutano huo   Mkuu wa  CCM wa  Mkoa  ulimchagua  pia Gilbelti  Sampa  kuwa   mjumbe wa  Halmashauri  kuu ya Taifa ya  CCM NEC  baada ya  kuwashinda  wagombea  watatu wanafafi  hiyo .
Sampa  alishinda  baada ya kupata  kura   182,   na  wagombea  wenzake    walipata  Wense  Ka mtoni  kura , 157,  Hassanal  Dalla  kura  66  na  Alkado   Kalifumu  kura   4.

Aidha Halmashauri Kuu wa CCM mkoa wa   Katavi  ikiongozwa na mwenyekiti wake  mpya ,  Beda  Katani  ilimchagua  Jackoson  Lema kuwa Katibu Mwenezi CCM mkoa wa Katavi ambaye alifanikiwa  kupata  kura   24. na  kumshinda  mgombea  mwenzake    Linus  Kasakabaya  alipata kura   12.
Katika  hotuba  yake    mbele ya  wajumbe  wa  Mkutano  mkuu   Mwenyekiti  huyo   mpya wa  ccm   aliwahakikishia  wajumbe  hao kuwa     atahakikisha   anafanya  kazi ya  kuimarisha   chama  hicho  pasipo  kuwa na  ubaguzi wowote na  muda wote   atakuwa  yuko  tayari kwa  ajiri ya kusikiliza  kuro za watu na kuzipatia ufumbuzi wake .
Mkoa wa   Katavi  ambao ulianzishwa  mwaka 2012   hivyo   Beda  Katani  amekuwa ni  mwenyekiti wa  pili wa  chama  hicho    toka   Mkoa wa  Katavi   ulipoanzishwa   Mwenyekiti wa  kwanza   alikuwa ni  Mselemu  Abdala  ambae kwenye uchaguzi huu  hakugombea.
MWISHO

 

WAWILI MIAKA SABA KWA KOSA LA KUMILIKI SIRAHA AINA YA GOBOLE,RISASI 19 NA VIRIPUZI VYA 100KG

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Na   Walter  Mguluchuma.
Mlele



WAKULIMA wawili wa kijii cha Majimoto , John Kalikwenda (50) na Kapufi Mdagula (40) wamehukumiwa  kila mmoja wao kutumikia kifungo cha miaka saba jela  baada ya kukiri  kupatikana na silaha aina ya gobole , risasi zake 19 na vilipuzi nyenye uzito wa kilo 100 .


Akitoa hukumu hiyo jana , Hakimu wa Mahakama ya Wilaya ya Mlele mkoani Katavi , Teotimus Swai katika  kosa la kwanza la kukutwa na silaha kila mmoja alihukumiwa kifungo cha miaka mitano jela huku kosa la pili la kukutwa na risasi 19 kila mmoja  alihukumiwa kutoa faini  ya Sh 500,00/-.


Hakimu Swai katika kosa la tatu la kukutwa na vilipuzi  kila mmoja wa washtakiwa hao alihukumiwa kwenda jela  miaka saba au kkulipa faini ya Sh  milioni moja .


“ Kwa kuwa adhabu hizo zinaenda kwa pamoja  kila mshtakiwa  atatumikia kifunga jela  miaka saba au kulipa faini ya Sh milioni moja …. Mahakama  hii imetoa adhabu kali  ili iwefundisho kwa wengine wenye  tabia kama zao “ alieleza.
Hata hivyo washtakiwa hao wameanza kutumikia adhabu hiyo baada ya kushindwa  kulipa faini hiyo .


Awali Mwendesha Mashtaka , Mkaguzi wa Polisi , Bahati Hongoli alidai mahakamni hapo kuwa washtakiwa hao wawili walitenda kosa hilo Aprili 27, mwaka huu saa nane mchana ambapo walikamatwa wakiwa ndaji ya Hifadhi ya Wanyamapori ya Rukwa – Lwafi iliyoko wilayani Mlele .


Ilielezwa mahakamani hapo kuwa washtakiwa hao walifikishwa mahakamani hapo kwa mara ya kwanza Mei ,3,2017.
Mwisho



MIMBA ZA UTOTONI BADO NI TISHIO KUBWA KATIKA MANISPAA YA MPANDA MKOANI KATAVI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 



MIMBA za utotoni bado ni tishio kubwa  katika Manispaa ya Mpanda mkoani Katavi ambako wasichana  624 walio na umri  wa chini ya miaka 18 wamejifungua   katika  Vituo vya   Afya  vilivyopo katika  manispaa hiyo .

 Hayo yalisemwa  hapo  jana  na Mkuu wa  Mkoa wa  Katavi    Meja  Generali  mstaafu   Raphael  Muhuga,  wakati wa  uzinduzi  wa  kampeni  ya  siku  16 za kupinga ukatili  wa  kijinsia   zilizofanyika kimkoa   katika  viwanja  vya  Saba Saba kijijini Kabungu  Wilayani  Tanganyika .


Muhuga   alisema  taarifa   kutoka  katika  vituo vya  afya  vya Manispaa ya  Mpanda  ya kipindi cha mwaka jana wa 2016   inaonyesha  kuwa  wasichana 624 wenye  umri wa chini ya  miaka 18 walijifungua  katika  vituo   vya  Afya   vilivyopo  katika  manispaa  hiyo kwamba kiwango hicho ni kikubwa na tishio ..

Alisma   hari  hiyo ya  mimba za utotoni  imekuwa ikifanya    watu wanao tembea   barabarani     au  kwenye  masoko ya  Manispaa ya    Mpanda kukutana na  watoto  ambao wamezaa wakiwa na umri mdogo  huku  mgongoni wakiwa wamebeba watoto wenzao.

 Alifafanua  alisema  utafiti  wa  afya  ya uzazi  na  mtoto  na  viashiria  vya  maralia   wa mwaka   2015 na  2016 uliofanywa  na Ofisi ya  Taifa ya   Takwimu NBS  kwa  kushirikiana  na   Wizara  ya  Afya ,   Maendeleo  ya   Jamii, Jinsia,  Wazee na  Watoto kwa  Tanzania  umeonyesha  mkoa wa  Katavi  ujaongoza kitaifa kwa mimba za utotoni.

Aliongeza kuwa utafiti  huo  umeonyesha  kuwa  kitaifa  asilimia 27 ya  wasichana  wa   miaka   15   hadi 19 wameishaanza  uzazi  asilimia 21 walikuwa wameisha zaa  mtoto hai angalau mmoja   huku katika  mkoa wa   Katavi   asilimia  45 ya   wasichana  wa   miaka 15   hadi  19 wameisha    anza  uzazi ,ambapo asilimia 33.3 wakiwa  wameshazaa mtoto  hai   angalau  mmoja. .

Kuhusu    unyanyasaji wa  kijinsia  Muhuga lisema kuwa i  jumla ya  kesi  1,178 zililipotiwa  katika   vituo  vya kutolea  huduma  za   afya  mkoani humo na maofisa ustawi wa jamii katika mwaka   2016.

Muhuga  alisema   kati  ya  kesi  hizo  401 zilihusu ukatili wa  kimwili , kesi 66 zilihusu  ukatili wa  kingono ,kesi  264 zilihusu  ukatili  wa    kisaikolojia  na  kesi  447 zilihusu kutelekezwa watoto na familia zao kwamba  wa ukatili wa kimwili  au  ngono  ulifanywa na wanaume .

Kwa upande wake  Mkuu wa  Wilaya ya   Mpanda    Liliani   Matinga   aliwataka   wanawake    ambao  wanatabia ya kupiga waume zao  waache  tabia   hiyo mara moja kwamba inawaaibisha wanawake wote nchini ..


Nae  Kamanda wa  Polisi wa   Mkoa  wa  Katavi  Damas  Nyanda     alieleza    licha  ya   jitihada   zinazochukuliwa  na  Serikali  kwa kushirikiana  na  makundi  mbalimbali  ya kijamii  ,takwimu   bado  ninaonnnyesha  ongezeko  la ukatili  wa kijinsia .
Alisema  ongezeko hilo  linachangiwa  na  changamoto zifuatazo    ambazo ni  imani za kishirikina ,mila  na desturi  za  badhi ya makabila ,umasikini ,  elimu na ukosefu wa  nyumba  salama   ambapo  baadhi ya wazazi  wamekuwa wakiwalaza wageni wao na  watoto wao na kusababisha  wageni hao kuwafanyia vitendo vya unyanyasaji wa kijinsia .

KATEKISTA AFA BAADA YA KUONGOZA IBADA YA MAZISHI.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 



Na  Walter   Mguluchuma
   Katavi.

KATEKISTA  wa Kanisa katoliki Jimbo la Mpanda mkoani Katavi aliyekuwa akitoa huduma za kiroho katika Kigango cha Mchakamchaka , Noel Sitemele amefikwa na umauti muda mfupi baada kumaliza kuongoza ibaya ya mazishi ya muumini wake juzi .

Kigango cha Mchakamchaka kipo  kijiji ni Majalila katika Parokia ya Mpanda Ndogo katika wilaya ya Tanganyika mkoani humo.

Akisimulia tukio hilo  Diwani wa  Kata ya   Mpanda  ndogo Hamad  Mapendo ambae pia ni Mwenyekiti wa Halmashauri ya Wilaya ya Mpanda.

alisema  mwalimu huyo wa dini  pia   alikuwa  Mwenyekiti wa   Kijiji cha   Majalila   Halmashauri ya   Mpanda   Wilaya ya   Tanganyika .

  Alisema katekista huyo alifariki dunia juzi   juzi , saa kumi na  moja  jioni muda  mfupi baada ya kufikishwa   katika   zahanati ya  Kijiji     hicho   kabla  hata ya kuanza kupatiwa matibabu.

 Alisema  kabla ya mauti  hayaja  mfika  siku  hiyo  marehemu   aliongoza ibada ya  mazishi  kuanzia  mwanzo wa  ibada   hadi mwisho wa ibada ya mama   mmoja   ambae   alikuwa   amefariki dunia  kwenye  kigango hicho  siku  hiyo.

Mapengo   alieleza   mara   baada ya   kumaliza   mazishi ya mama huyo   muda  mfupi uliofuata  alianza  kujisikia  vibaya kiafya  hari    ambayo ilimfanya    aamue  kurudi  nyumbani  kwake na kuwaacha waombolezaji  wengine waliokuwepo  kwenye  msiba huo.

Baada ya kuwa  amefika  nyumbani  kwake  hali yake   ilizidi kubadilika  ambapo aliomba    msaada  kwa  majirani zake wa  kupelekwa  kwenye   zahanati ya   kijiji  hicho   ambayo haiku mbali kutoka nyumbani kwake .
.
Alisema marehemu  huo  alifikishwa  kwene  zahanati ya   kijiji   cha  Mchakamchaka ambapo   wakati  tabibu   akiwa   anataka kuanza  kumpatia   huduma   akawa   amefariki dunia na kusababisha simanzi na mshtuko  mkubwa  kwa  waliokuwa wamemzindikiza .

  Taarifa  za  kifo cha  Katekista  huyo   ziliwafikia  waombolezaji  walikuwepo kwenye   msiba wa  marehemu   ambae   alikuwa  ametoka   muda  si  mrefu   kuongoza  ibada ya  mazishi hari   ambayo iliwafanya  waombolezaji  wengine  washindwe  kuamini  kama  kweli  katekista  huyo    aliyeongoza  mazishi  kama  kweli   amefariki dunia .

Maziko ya  Katekista   huyo yalifanyika   jana  katika   makaburi ya   Mchakamchaka ambapo   ibada ya  mazishi iliongozwa  na  Padri  Pascal  Kipenye  ambae ni   Paroko wa  Parokia ya  Mpanda   Ndogo  yalihudhuriwa  pia   na   Mbunge wa  Jimbo la   Mpanda   Vijijini Moshi  Kakoso

GIRLS GUIDES YAZINDULIWA KATAVI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 



Na  Walter Mguluchuma .
  Chama  cha   Skauti Wasichana na  Wanawake  Tanzania   GIRL  GUIDES  TANZANI  kImezinduliwa   rasmi   Mkoaani  Katavi  na  wito umetolewa  kwa  wasichana  na  wanaweke   waweze kujiunga na chama hicho ili waweze kupanua  uwelewa  wao wa uzalendo  na kuwa tayari kufanya kazi  kwa   manufaa yao   na Taifa .
 Uzinduzi wa  Chama  hicho  ulifanyika  hapo   jana    katika     uwanja wa   Shule ya  Msingi  Mpanda na kuhudguriwa  na  Wanafunzi wa  Shule  zote  za   Sekondari  zilizopo   katika  Manispaa ya   Mpanda   ambapo   mgeni  rasmi   kwenye  uzinduzi huo   alikuwa ni   Afisa   Maendeleo wa   Jamii  wa   Mkoa wa   Katavi   Anna  Shumbi.
Katibu  Mkuu  wa   Girs  Guid  Tanzania  Grece   Shaba   alieleza  kuwa  Girls  Guidedes kiulimwengu ilianzishwa  mwaka  1910 na  mwanzilishi wake    alikuwa ni   Lord   Barden  Powel wa  Uingereza  na   Tanzania  ilianzishwa  Mwaka  1928  huko  Kirimanjaro  na  mpaka  sasa  ipo  katika  mikoa 23 ya  Tanzania .
  Alisema    chama  hicho  ni  chama  cha kujitolea  na  madhumuni  yake  ni  kuwaendeleza  wanawake  pamoja   na  wasichana  kijamii na kiuchumi  kwa kuwapatia   elimu  na  mafunzo  kupitia  kanuni  za   Girl  Guides.
Mkufunzi  wa  Taifa   Emeliana    Stansilaus  alisema   lengo  la   chama  hicho  ni  kuwapa   nafasi  wasichana  na  wanawake  waweze   kujifunza    namna  ya umiliki   jamii na  mazingira yake  ili  kuendeleza  mali  zao ,tabia inayokubalika  na kumwezesha  kuwa  na ujasiri  katika  maamuzi yao .
 Alisema  chama  hicho  kipo  wazi  kwa   wasichana   na  wanawake   wote   waliokubali  kuapa  na kufuata  kanuni za    chama  hicho .
 Wanachama  wa  Girl   Guides wamegawanyika  katika  makundi ya  umri  mbalimbali   miaka     saba   hadi  viangaza   kumi  hadi  kumi  na  tano   Guides, kumi na  sita  hadi    25  Rangers   26  hadi   30  viongozi   vijana  na   31  ni  viongozi  wakubwa .
  Mgini   Rasmi  kwenye   uzinduzi  huo  Afisa    Maendeleo ya   jamii   Mkoa  wa  Katavi   Anna   Shumbi  aliwakata   wasichana na  wanawake wa  Mkoa  wa   Katavi   wahamasike kwa   wingi  na kujiunga  na   chama  hicho .
Alisema  uendapo  watajiunga  na  Girl  Guides  wataeza  kupanua  uelewa  wao  wa  kuwa  wazalendo  na  kuwafanya  wafanye  kazi  zao  kwa  manufaa  yao na  Taifa  na  pia   wataongeza  ukakamavu na  uwezo wa kujitambua zaidi.
MWISHO


DIWANI JELA MIAKA MITATU KWAKOSA LA KUOMBA NA KUPOKEA RUSHWA YA TSHS 500,000.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


Na  Walter   Mguluchuma,    Katavi
DIWANI  wa Kata ya Katumba (CCM) , Seneta Jeris  Baraka (32)  amehukumiwa  na Mahakama ya Wilaya ya Mlele mkoani Katavi  kifungo cha miaka mitatu jela baada ya kutiwa hatiani  kwa makosa mawilli ya kuomba na kupokea rushwa ya Sh500,000/-


Akisoma hukumu hiyo jana  , hakimu wa mahakama hiyo , Tetimus Swai alisema kuwa mshtakiwa  alitiwa hatiani kwa makosa mawili  ya kuomba rushwa  ya Sh 1,000,000/- na kupokea rushwa  ya Sh 500,000/- kutoka kwa mfugaji aitwae  Charles Kiligiwa maarufu kama Mange .

Akimuhukumu alisema mshtakiwa huyo katika kosa lake la kwanza atatumikia kifungo cha miaka mitatu jela  au kulipa faini ya Sh 500,000/- na katika kosa la pili atatumikia kifugo cha miaka mitatu bila faini .

“Hivyo mshtakiwa atatumikia kifungo cha miaka mitatu jela bila kulipa faini na haki yake  ya kukata rufaa iko wazi “ alihukumu Swai .

Awali Mwendesha Mashtaka wa Tassisi ya Kupambana na Kuzuai Rukwa (Takukuru) ,  Bahati  Haule alidai mahakamani hapo kuwa Desemba 20,2017  Mahakama ya Mwanzo  katika Kambi  ya Wakimbizi wa Burundi  ya Katumba  iliamuamuru mfugaji Kiligiwa maarufu Mange  atoe mifugo yake ytote aliyoiingiza kambini humo kinyume cha sheria  kabla ya  Desemba 21 , 2017 .

Aliongeza kuwa  ndipo  mshtakiwa alimshawishi mfugaji huyo  ampatie kiasi cha Sh 1,000,000/-  ili asitekeleze amri  hiyo iliyotolewa na makakama hiyo  kwamba asiitoe mifugo yake kambini humo .

Kwa mujibu wa Mwendesha Mashtaka Haule mfugaji huyo alimpatia mshtakiwa huyo  kiasi cha Sh 100,000/- ikiwa ni malipo ya awali .

Ilidaiwa mahakamani hapo kuwa Mei , 11, mwaka jana  mshtakiwa alimtaka mfugaji amlipe kiasi kilichobakia  ,ndipo  mtego  ulitengwa  katika maofisa wa Takukuru  na mfugaji ambapo alimtaka mshtakiwa wakutane katika kijiji cha Ivyungwe  amlipe kiasi cha Sh 400,000/ ili nusu iliyobakia amlipe siku za usoni .

Katika utetezi wake mshtakiwa aliiomba mahakma impunguzie adhabu kwa kuwa ana familia  na mama mazazi ambaye ni mzee sana wote wakimtegemea kwamba   ni mara yake ya kwanza  kushtakiwa mahakamani .
Mwisho





FUNDI KINYOZI JELA MAISHA KWA KOSA LA KUMBAKA MTOTO BAFUNI WAKATI AKIWA ANAOGA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


Na  Walter  Mguluchuma.
     Katavi.

MAHAKAMA  ya Wilaya ya Mpanda mkoani Katavi  imemuhukumu mkazi wa kijiji cha |Sibwesa  kilichopo katika wilaya ya Tanganyika , Wilson John (34)  ambae ni kinyozi wa  nywele  kifungo cha maisha jela   kwa kosa la kumbaka mtoto wa kike mwenye umri wa miaka saba .
Mtoto huyo alivamiwa na kubakwa na mshtakiwa wakati akiwa anaoga bafuni  nyumbani kwao  huku wazazi wao wakiwa sebuleni wakiangalia luniga huku akimtishia kumuua iwapo atamweleza mtu yeyote ..
Akisoma hukumu hiyo , Hakimu wa Mahakama hiyo ,Chiganga Ntengwa alisema kuwa mahakama imerishishwa na ushahidi uliotolewa na upande wa mashataka pasipo kutia shaka kuwa mshtakiwa alitenda uhalifu huo .
Aliieleza mahakama hiyo kuwa mtu yeyote anayetenda  kitendo hicho kama alivyofanya mshtakiwa  nakuwa amefanya kosa kinyume  na Kifungu cha Sheria namba 130 (1)na (2)e   Kifungu cha Sheria namba 131 (3) cha  kanuni ya adhabu .
Katika shauri hilo upande wa mashtaka uliita mashahidi sita akiwemo mtoto mwenyewe  huku mshtakiwa akina hana shahidi yeyote .
Hakimu Ntengwa alisema kuwa ushahdi uliomtia hatiani  mshtakiwa ni uliotolewa na mtoto  mwenyewe  na uchunguzi wa kitabibu  uliothibitisha bila kutia shaka kuwa alingiliwa  kimwili na sehemu zake za siri kuharibiwa  pia ushahidi uliotolewa na mama yake mzazi .
Awali Mwendesha Mashtaka , Mwanasheria wa Serikali , Fravian Shiyo  alidai mahakamani hapo kuwa  mshtakiwa alitenda kosa hilo Septemba 24 , mwaka huu saa mbili na nusu usiku nyumbani kwa mtoto huyo ambapo mshtakiwa alikuwa amepanga humo .
Aliongeza kuwa wakati mshtakiwa akifanya uhalifu huo wazazi wa mtoto huyo walikuwa wakianglia luninga sebeleni mwao .
Kwa mujibu wa  Shiyo usiku huo wa tukio mtoto huyo alichukua  ndoo ya maji na kwenda basfuni kuonga ambapo mshtakiwa alikuwa amejibanza  karibu  ya mlango wa bafu  ambapo alimweleza mtoto huyo kuwa aingie bafuni kuoga kwamba nay eye (mshtakiwa ) ataingia  najisaidia haja ndogo  humo humo .
Ilielezwa kuwa mtoto huyo aliingia bafuni na kuanza koga  ambapo mshtakiwa alimvamia na kuziba mdomo  kisha akambaka huku akimtishia kumuua endapo atamwambia mtu yeyote .
Shiyo alidai mahamani hapo  mtoto huyo alienda kulala na wenzake chumbani bila kuwafahamiasha wazazi wake yaliyomsibu ambapo usiku  alisumbuliwa na maumivu makali kwenye sehemu zake za siri .
Ilielezwa kuwa  alipozidiwa  na maumivu makali alimuomba mtoto mwenzake wa kike waliyekuwa wamelala nae chumba kimoja  aende kumita mama yao mzazi ambaye alipoingia alishtuka kuona godoro alilolalia lilikuwa limelowa damu huku mtoto huyo akilia , ndipo alipomwadithia mama yake kila kitu na alimtaja mshtakiwa .
Hakimu  Chiganga  Ntengwa  kabla ya kusoma  hukumu  alitowa  nafasi kwa  mshitakiwa   kama   anayosababu  yoyote ya   msingi ya  kuishawishi  Mahakama iweze  kumpunguzia   adhabu.
Akijitetea mshtakiwa alidai kuwa hakutenda kosa hilo isipokuwa mama mzazi wa mtoto huyo amemsingizia kwa kuwa alimkatalia kulipa kmodi mpya ya chumba  ya Sh 40,000 kwa mwezi ambapo koda ya awali ilikuwa Sh 20,000/-
Utetezi  huo  ulipingwa  vikali na   mwanashelia wa  Serikali   ambae   aliiomba  Mahakama   itowe  adhabu   kali kwa mujibu wa   sheria  ili   iwe   funzo  kwenye   jamii  kwa   watu   wengine   wenye   tabia   kama   hiyo   na  kwa  kuzingatia  kuwa    vitendo vya   ubakaji  vimekuwa   vikitokea  mara kwa  mara   Mkoani   Katavi .
 Baada ya  kuzisikiliza  pande  hizo  mbili za  mashitaka  na  utetezi    Hakimu  Ntengwa  alisoma   hukumu  na  kusema      mshitakiwa   Wilison  John   mahakama   imemuhukumu kutumikia  jela   maisha yake yote kuanzia  jana  na  kama   hakuridhika na  hukumu  hiyo   anayonafasi ya   kuomba  rufaa  kwenye   mahakama   nyingine ya  ngazi ya juu zaidi .
Hakimu    Ntengwa  baada ya  kusoma  hukumu  hiyo  alimkabidhi   Wilison  nakala ya  hukumu ya  kesi   hiyo  na    alikwenda   nayo   gerezani.

 
Supported by Tone Multimedia Company Limited
Copyright © 2012. Katavi yetu - All Rights Reserved
Designed by Fredy Tony Njeje
Proudly powered by Blogs za Mikoa