Tone

Tone

TAKUKURU KATAVI KUANZA MAADHIMISHO YA SIKU YA MADILI KWA KUSIKILIZA KERO ZA WANANCHI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

RC KATAVI NA RC WA SINDIGA WAONGOZA MAAZISHI YA KAMANDA KAKAMBA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399

RC KATAVI AOMBA WAKIMBIZI WALIOKO KWENYE MAKAMBI AMBAO HAWAJA PEWA URAI WAONDOLEWE WANADAIWA PIA KUMTII MKUU WA MAKAZI KULIKO RC NA DC.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


             Na  Walter   Mguluchuma .
                Katavi .
  Mkuu wa   Mkoa  wa  Katavi    Mejagenerali    mstaafu    Raphael   Muhuga   ameiomba   Serikali    kuwaondoka na  kuwapeleke  kwenye    kambi za   Wakimbizi   Raia     wa   Nchi  ya  Burundi  na   Kongo   ambao  wananchi  kwenye   Makazi  ya   Wakimbizi ya   Mishamo na  Katumba    Mkoani   Katavi   ambao   mpaka  sasa hawaja  pata   urai wa  Tanzania .
Muhuga  alitowa   ombi  hilo   hapo   juzi  mbele ya     Naibu Waziri   wa   Ardhi  Nyumba  na    Makazi    Anjelina     Mabula  wakati  alipokuwa    akimsomea  taarifa  ya   Mkoa  wa   Katavi   katika   Ofisi ya  Mkuu wa   Mkoa wa   Katavi .
  Alisema   Mkoa  wa  Katavi  unazo   kambi  mbili  za   wakimbizi   katika   Makazi ya   Wakimbizi ya  Katumba  na   Mishamo   ambapo   wakimbizi    15,0000  hawajapewa   Urai wa   Nchi  hii  huku   asilimia  90  ya  raia  hao waliokuwa  raia wa  Nchi ya  Burundi wakiwa  wamepewa  Urai wa  Tanzania .
Alieleza  kuwa   Raia  hao  wa  Nchi    jirani   kuendelea   kuwepo   kwenye   kambi  hizo    bila  kuondolewa  na  kupelekwa  kwenye    kambi  nyingine  kumekuwa  kukisababisha     hata  wale  waliokuwa   Raia wa   Nchi ya  Burundi  na  kupewa   urai wa  Tanzania  kutotii  maagizo  yanayo   kuwa     yanatolewa   na    Viongozi  wa    Serikali  wa   Mkoa  na  Wilaya .
Alifafanua  kuwa watu  wanaoishi  kwenye   Makambi  hayo  wamekuwa  wakiwatii  zaidi   wakuu  wao  wa    Makazi  ya  Katumba  na   Mishamo  kuliko  yeye   Mkuu  wa   Mkoa  na   wakuu  wa   wilaya    zilizoko  kwenye   kambi hizo    ambazo  ni  Wilaya  ya  Mpanda  na   Wilaya  mpya  ya  Tanganyika .
 Muhuga  alieleza  kuwa  Serikali imewapatia  urai zaidi ya  watu  laki  moja  wanaishi kwenye     makazi   hayo  na   kabla  ya  kupewa  urai  watu  hao   walikuwa  wakihudumiwa  na    shirika   la  wakimbizi  UNHCR  ammbao  sasa  hivi wameacha  kuwahudumia  watu  hao .
Kutona  na  UNHCR  kuwacha kutowa  huduma   kwa  watu  hao      wamekuwa  wakipata   shida   kupata   huduma  muhimu   hivyo   ni   vema   Serikali    ikatangaza   kuyafunga   makambi  hayo  rasmi  ili  watu  hao   wapatiwe   huduma  na    serikali .
Kwani  kwa  sasa     hata  wanapotewa   maelekezo  ya  kufanya   shughuli  za    Maendeleo wamekuwa  hawatii  mpaka  waagizwe  na   Mkuu wao  wa     Makazi si  Mkuu wa  Mkoa  wa   mkuu wa  Wilaya.
Makazi  ya   wakimbizi  za  Mishamo  iliyoko  katika   Wilaya  ya   Tanganyika  na    makazi ya   Katumba   iliyoko  Wilaya  ya  Mpanda   zilianzishwa  mwaka  1972  baada ya kutokea  kwa  vita  Nchini  Burundi
MWISHO

HALMASHAURI ZA AGIZWA KUTOWAMISHA WATU KABLA YA KUWALIPA FIDIA ZAO .

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


 Na  Walter   Mguluchuma .
      Katavi .
Naibu Waziri wa   Ardhi  Nyumba  na  Maendeleo ya   Makazi  Anjelina  Mabula  ameziagiza   Halmashauri kuacha  tabia ya kuwahamisha  watu  kwenye  Makazi  yao  wanayoishi  kabla ya kuwalipa   fidia .
Agizo  hilo  alilitowa   hapo  jana  kwenye mikutano ya hadhra iliyofanyika katika kata za Misunkumilona Nsemlwa  kwa   nyakati   tofauti  wakati    alipokuwa   akizungumza  na   wakazi wa   Kata  za   Nsemlwa    na   Minsukumilo   kwenye   mikutano  ya   hadhara    alipokuwa  akizungumza  na  watumishi wa   Wizara   yake  wa    Halmashauri  za    Mpanda ,  Nsimbo  na   Manispaa ya   Mpanda  kwenye  kwenye  ukumbi  wa   idara  ya   Maji   mjini   hapa .
Alisema  kumekuwepo na  tabia  ya  kuwahamisha   wananchi  kwenye  maeneo yao  wanayoishi  bila  kuwalipa  fidia  na  maeneo  hayo  kupimwa   viwanja  na  kupewa  watu   wengine .
Alisisitiza  kuwa   Serikali ya   awamu ya  tano   haiiko     tayari  kuona  wananchi  wanaondolewa  kwenye   maeneo  yao     waliokuwa   wakiishi  bila  kulipwa  fidia  kwani  kufanya  hivyo  ni  kuwanyanyasa   wananchi .
Naibu   huyo  Waziri  wa  Ardhi  alikemea  tabia   inayofanywa  na  watumishi  wa   iIdara ya      Ardhi  ya  kupima  maeneo ya    viwanja  na  kuwanyima  watu   ambao walikuwa   wakiishi  kwenye   maeneo  hayo  na  kuwapatia  watu   wengine  kwani  kufanya  hivyo ni  wizi  kwa  wananchi .
Hivyo  aliagiza  kuwa  maeneo  yote    ambayo  yatakuwa  yanapimwa  viwanja  wanaotakiwa  kupewa  kipaumbele  ni  wale  wananchi waliokuwa  wakiishi  kwenye  maeneo  hayo   baada  ya  hapo  ndipo  wepewe  watu  wengine .
Pia   ameziagiza    Halmashauri  kuhakikisha  zinapima   viwanja  na mashamba kisha kutoa hati miliki za viwanja  na kuwapatia wananchi hati hizo ziweze kuwasaidia katika  kuomba hata mikopo kwenye taasisi za mabenki.
Pia hati hizo zitasaidia kupunguza migogoro ya watu wanaovamia maeneo ya taasisi za umma.
Na kuondoa migogoro ya ardhi ambayo imekuwa ikitokea matra kwa mara. Kwenye maeneo mengi hapa nchini.

HALMASHAURI ZA SHAULLWA KUNUNUA NYUMBA ZA NHC KWA AJIRI YA WATUMISHI WAKE .

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


Na  Walter  Mguluchuma .
      Katavi .
  Naibu  Waziri wa  Ardhi  Nyumba  na   Maendeleo ya  Makazi  Anjela  Mabula ametowa  wito kwa  Halmashauri za  Mkoa wa  Katavi  kununua  nyumba za   Shirika  la   Nyumba   la  Taifa  zilizopo  katika   maeneo ya   Halmashauri  zao   ilikupunguza  tatizo  la  nyumba  za   makazi ya  watumishi  wao .
Naibu  Waziri  huyo  alitowa  wito huo  hapo jana  wakati  alipokuwa  akizungumza  na  viongozi   mbalimbali  wa  Serikali   wa   Mkoa  wa   Katavi  kwenye   ofisi ya  Mkuu wa  Mkoa  wa   Katavi  wakati wa  ziara  yake ya  siku  mbili  Mkoani  hapa ya  lengo la kusikiliza  kero  mbalimbali  za  migogoro ya   ardhi   katika  Mkoa wa  Katavi .
  Alisema   shirika  la  Nyumba la  Taifa  limejenga  nyumba  nyingi   katika  Mkoa wa  Katavi  hivyo  ni   vema   Halmashauri za   Mkoa  huo   zikatumia   furusa  hiyo kwa kuzinunua   nyumba  hizo   kwa   ajiri ya  watumishi wao .
 Alieleza  kuwa    shirika  hilo  limeanzisha  mpango  mpya wa   kununua  nyumba za   shirika  hilo   unaoitwa  mpamgaji  mnunuzi   ambao unampa   nafasi   mtu   mwenye  kipato  kidigo  kununua  nyumba  za   NHC.
Katika    mpango  huo   mpangaji   atalipa   asilimia   25  ya   bei ya   thamani ya kununulia  nyumba  na   kisha   atakaa  kwenye   nyumba  hiyo   bure  kwa  kipindi  cha  miezi  mitatu  na   baada  ya   hapo    ataanza  kulipia  kodi ya   nyumba   ambapo   kodi  hiyo   atakayo   kuwa   analipia  ikifikia   thamani ya  bei ya  kuuzia   nyumba   nyumba    hiyo  inakuwa  ni   mali ya    mpangaji  huyo .
 Pia   Anjela  Mabula  aliliagiza   shirika   la  NHC  kufanya   msako   kwenye  vikundi vya   vijana   ambao walipewa   mashine  za  kufyatulia  matofali   na   vikundi  ambavyo   vitabainika   mashine  walizopewa  na   shirika   hilo na   hazifanyi  kazi   basi    vikundi   hivyo   vinya ng-anywe  na  kupewa   vikundi    vingine   vya    vijana .
Pia  aliziagiza  Halmashauri  za   Mkoa  wa   Katavi  kuhakikisha    zinaweka   mipaka  ya   vijiji      kwenye  maeneo  yao  yote   ili  kuepusha   migogoro   ya   ardhi   ambayo  imekuwa  ikitokea  mara  kwa   mara    kutokana  na  kutokuwepo kwa  mipaka.
   Aliziagiza   Halmashauri  za   Mkoa  wa   Katavi   kuhakikisha   zinapima  maeneo ya  mikapa ya  kila  Kijiji  ili  kuondokana  na  migogoro ya   ardhi  na   aliziagiza   zifanye  hivyo  katika  kipindi  kisicho  zidi miezi  mitatu  kuanzia  sasa .
Meneja  wa   NHC    George   Magembe   alisema    shirika   hilo   limejenga   nyumba    95  katika    Mkoa  wa   Katavi   katika   Wilaya   za    Mpanda  na    Mlele .
  Alifafanua   nyumba    70  zimejengwa   katika   Manispaa  ya    Mpanda  katika   eneo  la   Ilembo  na   zimegharimu  kiasi  cha   shilingi  Bilioni   1.1  ambapo   hadi sasa   ni   nyumba     sita  tuu   ambazo   zinawapangaji   huku  nyumba   63  zikiwa   zimekaa  bila  wapangaji     pia  NHC  inajenga  jingo la  kitega  uchumi    katika   eneo la  Paradise    katika  manispaa  hiyo  ya   ghorofa    nne    na  ujenzi wake  utakapo  kamilika  utagharimu  kiasi  cha   shilingi  Bilioni  3.5.
Katika   Halmashauri  ya   Wilaya  ya   Mlele      shirika   hilo   linajenga   nyumba   24  na  wanatarajia   kuanza    ujenzi  wa   mradi   mwingine  wa  kujenga  nyumba   18  za  Walimu  katika   shule ya   Msingi   ya   Kakuni   katika   Halmashauri  ya   Mpimbwe .
MWISHO

NAIBU WAZIRI WA ARDHI MH. ANJILINA MBULA ZIARANI MKOANI KATAVI KUSIKILIZA KERO ZA MIGOGORO YA ARDHI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Naibu  Waziri wa Ardhi  nyumba  na  Makazi  Anjalina  Mbula  akisaini  kitabu  cha  wa wageni wakati akiwa  katika ziara yake ya siku mbili Mkoani  Katavi  yenye   lengo la kusikiliza   kero mbalimbali za  watu kuhusiana  na  migogoro yaa   Ardhi ​ 

HATARI NYUMBA ZAPAKWA DAMU INAYOSADIKIWA KUWA NI YA MNYAMA AU BINADAMU KATIKA KUTA NA MILANGO YA NYUMBA , WANANCHI HASHIKWA HOFU

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 



Na Walter  Mguluchuma

      Katavi

WAKAZI wa  Kata ya  Nsemlwa iliyoko katika  Manispaa ya  Mpanda
katika mkoa wa Katavi   wanalazimika  kulala  mapema kutoka na
kushikwa  na  hofu   baada ya  milango na kuta za  nyumba  wanazoishi
kupakwa  damu inayodhaniwa kuwa ya binadamu au mnyama

Nyumba za  Ofisa Mtendaji wa Kata ya Nsemlwa na Mwenyekiti wa Mtaa wa
Nsemlwa  ni miongoni mwa nyumba 300 zilizopo katika mitaa yote mitano
ya kata hiyo zinazodaiwa kupakwa damu hiyo.

Akizungumza na gazeti hili Ofisa Mtendaji wa Kata hiyo , Jumbe Mselwa
alisema tukio hilo limetokea usiku wa kuamkia Jumapili  ambapo watu
wasiofahamika walipaka nyumba hizo damu  na kusababisha hofu kubwa kwa
wakazi wa eneo hilo.

Alisema   taarifa za mkasa huo   zilifikishwa  ofisini  kwa ke  na
wenyenyeviti wa  wa  serikali za mitaa   mitano ambapo alilazimika
kwenda kuhakikisha   na  kukuta  nyumba  hizo  zikiwa  zimepakwa  damu
 nje  na  nyingine  ndani.

Jumbe  aliitaja  mitaa   hiyo  ambayo  nyumba  zake  zimepakwa   damu
kuwa  ni   pamoja na     Mtaa   Kichangani ,  Migazini ,Kilimani
Tulieni  na  Mtaa  wa   Nsemlwa   ambao  ndio  unaongozwa  kwa  nyumba
     nyingi kupakwa  damu .

‘Nimewataka   wakazi wa kata hiyo    mara  wanaopoona  kitu   ambacho
sio   cha  kawaida   watoe   taarifa  mapema  kwa  uongozi  wao wa
mitaa  wanayoishi “ alisisitiza .

Kwa upande wake Mwenyekiti wa  Mtaa wa  Nsemlwa ,   Adamu   Masigati
alikiri kwamba    nyumba  yake  ni  miongoni   mwa    nyumba   ambazo
 zimepakwa  damu usiku huo ambapo   n wakazi wa mtaa huo wanahoji
kulikoni   tukio  hilo  litokee usiku   badala ya    mchana .

Msagati   alieleza  kuwa jana alitaarifiwa kuwa   m  wa  Mtaa  huo
mkazi  wa mtaa huo alidondokewa na  matone  ya damu hiyo wakati
alipokuwa ndani ya nyumba yake akila chakula cha usiku .

Akisimulia    mkasa huo mkazi huyo aitwae ,    Raphael   Geoge   juzi
akiwa  nyumbani  kwake   saa  kumi  jioni akila  chakula   sebuleni
kwake ambapo  alipoanza kula   tonge  la  pili  la ugali  ghafla
aliona  matone  mawili ya  damu  yenye  ukubwa    wa  sarafu ya
shilingi  100 yakidondoka  alipokuwa  amekaa .

Alisema  tukio hilo  ilimshitua  ambapo alimwaita  binti yake aitwae
Maliselina   Joseph ili   nae   ashuhidie  damu  hiyo     ambayo
haikufahamika  imetoka  wapi .

Umati  mkubwa  wa watu  walifurika nyumbani kwa Raphael ambapo
walishtushwa baada ya kushuhudia  nzi  wakiwa wamerundikana kwenye
matone ya damu  hiyo ambapo walitoa taarifa kwa uongozi wa Serikali ya
Mtaa wa Nsemlwa.

  Mkewe   Raphael   aitwaye    Judith  Joseph   ambae   wakati wa
tukio  hilo  hakuwepo  nyumbani  anasema  aliporudi  nyumbani   saa
moja  na  nusu  usiku  alikuta   familia  yake  wakiwa  wamekaa  kama
wagonjwa.

  “ Nimemshauri mume wangu tuhamie kwenye nyumba nyingine lakini
amekataa akisisitiza kuwa ingekuwa ni nyumba ya kupanga angehama
lakini hawezi kwa kuwa ni nyumba yake aliyoijenga mwenyewe ….sasa ni
siku mbili zimepita nimeshindwa  kufanya usafi wa nyumba kwa ajili ya
woga isitoshe sasa tunalazimika kulala mapema kabla ya saa mbili
usiku” alieleza.



 Kwa upande wake   Wasitala  Ferusi  alisema   yeye  na    familia
yake  tangu   nyumba yao ilipopakwa  damu  wamekuwa wakijifungia  na
kulala  mapema   huku  akiwazuia watoto wake  kutembea  hata kwa
majirani .

Alisema kinachostaajabisha wengi damu hiyo imepakwa kwenye kuta  ndani
ya nyumba  huku milango ikiwa imefungwa usiku

MAKAMU WA ASKOFU AWATAKA WATU KUZAA WATOTO WATAKAO WEZA KUWATUNZA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


         Na  Walter    Mguluchuma .
                                Katavi .
  Makamu wa  Askofu wa  Kanisa  Katoliki  Jimbo la  Mpanda  Padri  Patrick  Kasomo amewataka watu waache  tabia ya kuzaa  watoto wengi na   badala yake  wazae watoto  ambao wataweza kuwatunza kwa kuwapatia mahitaji yao ya muhimu.

Wito huo   aliutowa  hapo jana  wakati wa  mafunzo ya viongozi  mbalimbali wa Dini wa Kanisa   hilo   yaliondaliwa  na  Taasisi  ya   Benjamin    Mkapa   Foundation  na  yaliofanyika  katika  ukumbi wa  Chekechea   Mjini  hapa  yaliokuwa  na lengo la kuwaelimisha   watu kujikinga na kujiepusha na Ukimwi.

  Alisema  watu watu wamekuwa  na  tabia ya kuzaa  watoto wengi  bila   mpangilio na  matokeo yake wakuwa wakishindwa kuwatunza  watoto hao  kutokana  na kuwa  na  uchumi   mdogo wa kipato .
Makamu  huyo wa  Askofu  alieleza      familia  nyingi    za  watu   maskini   ndio   zinaongoza  kwa   kuwa  na idadi kubwa ya  kuzaa  watoto wengi  kuliko watu  wenye  uwezo wa kiuchumi .
Alisema  watu  ambao wanazaa  watoto wengi  matokeo yake  watoto  hao   wanakuwa   hawana   akiri  darasani   hivyo  ni  vema  watu  wakazaa  watoto  ambao wanaweza  kuwatunza .
Pia    aliwataka  watu  wajenge tabia  ya kupima   afya  zao  na  wawe  waaminifu  kwenye  ndoa zao  na  wasiige    utamaduni wa  Nchi   nyingine  ambao  umekuwa ni  chanzo   cha wtu  kuacha  kufuata   mila  na utamaduni  wa   Nchi yetu .
 Afisa  mradi  wa TB   na  HIV   wa   Taasisi ya   Benjamin  Mkapa   Magiri  David  alisema Taasisi ya   Benjamin Wiliam  Mkapa  kupitia   Save   the   Children   imepokea  ufadhili  kutoka  mfuko  wa  Dunia  wa kupambana  na maambukizi  ya kifua kikuu  TB ,virusi vya  ukimwi  VVU  na  Malaria  ambao utatekelezwa  kwa muda wa miaka miwili.
 Taasisi hiyo  kwa kushirikiana  na  Wizara   ya  Afya , Maendeleo  ya jamii Jinsia Wazee  na Watoto  kupitia   mpango  wa Taifa  wa kuratibu  huduma za  UKIMWI  umetowa  mafunzo  hayo  kwa viongozi wa  dini  ya  kuhusu  elimu  juu ya  maambukizi ya Ukimwi.
Magiri  alisema   baada ya kupatiwa  elimu  hiyo  viongozi hao wa Dini wanategemewa kuwa watakuwa  mabalozi  wazuri katika jamii kwa kuweza kufikisha  elimu  walioipata kwa jamii inayowazunguka  ili kupunguza  maambukizi  ya VVU  na pia wao wenyewe kujikinga  na maambukizi ya VVU .
Mafunzo  hayo  yatatolewa  katika Mikoa ya   Tabora na   Rukwa  na yatawafikia  waumini  wa madhehebu ya  Dini mbalimbali  wasiopungua 500 hadi kufikia  Desemba mwaka huu.
Nae    mkufunzi wa    mafunzo  hayo  kutoka     Benjamin  Mkapa   Foundation  Peter  Nyambo  alieleza  kuwa  umefika wakati sasa  kwa  watoto wadogo kuelimishwa  ili  waache kufanya   tendo  la  ndoo  wakati wakiwa  na  umri  mdogo .
Tabia ya  watoto  kuanza  kufanya  tendo la  ndoo kumekuwa  kukichangia  watoto hao kupata  maambukizi ya VVU   kutokana  na  kutojua  kujikinga   na   maambukizi ya  VVU.
  Alisema  Taasisi ya  Benjamin  Mkapa     Foundation  imeamua  kuwapatia  mafunzo   viongozi    wa  madhehebu  mbailimbali  ya  Dini   ili na  wao  waende  wakatowe   elimu  kwenye  makundi  mbalimbali       juu ya   kujikinga  na    maambukizi ya  VVU .
Alifafanua   kuwa    Taasisi  hiyo imepanga  kuendelea  kutowa  elimu  iliifikapo  mwaka  2030   maambukizi  ya VVU  yawe  yamekwisha   kabisa   hapa   Nchini  Tanzania .
Mratibu  wa    Ukimwi  wa   Halmashauri ya  Wilaya ya  Mpanda   Kasara   Bulemo  alisema     Wamejipanga  kufika  kwenye   Kata   zote 16 za  Halmashauri  hiyo  ili kutowa   elimu  ya kupima   maambukizi ya  VVU  kwa  hiari .
 Alisema   maambukizi ya  VVU    katika   Mkoa wa  Katavi  ni  5.9 na   yamekuwa   yakichangiwa  sana kwenye   maeneo ya   mikusanyiko ya  watu  hasa   wakati wa  msimu wa  mavuno .
Aliyataja  baadhi ya  maeneo  yenye   maambukizi   mengi ya   VVU  katika  Halmashauri ya   Wilaya ya  Mpanda  kuwa  ni   Karema , Ikola ,  Mnyagala  na   Kasekese.
 
Supported by Tone Multimedia Company Limited
Copyright © 2012. Katavi yetu - All Rights Reserved
Designed by Fredy Tony Njeje
Proudly powered by Blogs za Mikoa