MPANDA WAKOSA KULA NYAMA BAADA YA MACHINJIO KUKOSA MAJI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Na  Walter   Mguluchuma .

            Katavi .

 Wakazi wa  Manispaa  ya   Mpanda   Mkoani  wamwlazimika  kukosa  huduma ya    nyama ya  Ng-ombe kwa  muda wa  siku  moja baada  ya kukosekana kwa   huduma ya   maji  katika  machinjio   hari  ambayo  ilisababisha  wafanya biashara wa kuuza   nyama ya  Ng-ombe kufunga  Bucha   zao .

  Hari  hiyo ya  ukosefu wa  nyama  ya  Ng-0mbe   ilitokea  hapo  jana  katika  maeneo  yote ya  kwenye  masoko ya  Manispaa ya   Mpanda  na  kuwasababishia  wakazi wa  Manispaa  hiyo  usumbufu  mkubwa na  kulazimika  kununua  mboga  nyingine  ambazo  hawakuwa  wamepanga kununua  siku  hiyo .

Mfanya  biashara wa  kuuza   nyama   ya  Ng-ombe katika   Bucha  inayoitwa  Bismilah  iliyoko  katika   soko  la  Buzongwe  Mjini hapa  alisema  wamelazimika   kufunga  bucha  zao kwa  siku  nzima   kutokana  na  kutokuwa  na  nyama ya  Ng-ombe ya kuuza   baada ya  wafanya  biashara kushindwa  kuchinja  mifugo  yao  kutokana  na   machinjio  ynayomilikiwa  na   Manispaa ya   Mpanda  kukosa  huduma ya   maji   machinjioni  hapo .

  Alisema  siku  hiyo ya  jana  walifika  kwenye       machinjio  hiyo    kama      ambavyo  huwa wanafika  kwa  lengo la  kuchinja   mifugo yao ya kuuza  lakini  walikuta  machinjio hiyo  haina  huduma  ya  maji  hari  ambayo  iliwalazimu   kuanza  kufatilia  ilikujua  tatizo  hilo la  ukosefu wa   maji.

Nae  mfanya  biashara wa    soko  kuu  la  Manispaa ya   Mpanda  Juma  Hassan  alisema  kuwa   tatizo la  ukosefu wa   maji  katika   machinjio hiyo  limekuwa  likitokea  mara  kwa  mara  na  limekuwa  likijirudia .

 Alifafanua  kuwa    tatizo  hilo  huwa  linatokea     mara  nne  au  mara  tano  kwa  kila  mwezi  na  mara  zote  huwa   wafanya  biashara  wana wamekuwa  wakiambiwa  waende  wakachote  maji na  kuyabeba  hadi  kwenye  machinjio   kwa kutumia   magari.

Chakushangaza  jana   afisa mifugo wa  machinjio  hiyo   alikataa   maji yasipelekwe  kama   amamekuwa  wakitowa  maji  sehemu  nyingine  pindi   machinjio  hiyo  inapokuwa   imekosa  maji .

  Kwa  upande  wake   Maneno  Daniel   mfanya   biashara  wa  Bucha ya  kuuza nyama  ya  Ng-ombe  katika  soko la   Kachoma   alieleza  kuwa  wao  wamekuwa  wakilipa  ushuru  kwenye  machinjio  kwa  kila   Ng-ombe  anae   chinjwa  wanalipa  ushuru wa  Tshs   5000  na kila  siku   wanachinja   Ng-ombe  50 sasa  wao wanashangaa  kwanini   maji yakosekane wakati wo wanalipa ushuru.

  Salome    John  Mkazi wa   Kawajense  Mjini  hapa  alisema      alilazimika  kutembea  kwenye  masoko  zaidi ya  matatu  jana  kutafuta  nyama   hata  hivyo    alfanikiwa  kupata  nyama   ambayo  ilikuwa  imelala   ambayo  ilikuwa  ikiuzwa   katika  bucha  pekee   inayoitwa  Makololo  katika  soko la  Buzongwe.

Meya  wa  Manispaa  ya   Mpanda    Willy  Mbogo      alisema  tatizo   hilo  wahusika  ni  MUWASA  ambao  hawako  chini  ya  Manispaa    wako   chini ya  Wizara ya   Maji   hivyo  wao   kama   Manispaa  wanashindwa  kuwasimamia.

Endapo  wangekuwa   chini   yetu      sidhani  kama    kungekuwa  na  tatizo  hilo  mara   kwa  mara  na  pia  bodi  inayowasimamia   mamlaka  na   Maji   safi na   maji   taka   MUWASA  inaonekana  haija  kutana  muda   mrefu  na  ndio  sababu  watu wanafanya  kazi  wanavyo  taka   alisema  Meya.