POLISI WAUWAWA MAJAMBAZI WANNE BAADA YA KURUSHIANA RISASI NA KUKAMATA BUNDUKI 2 ZA KIVITA NA RISASI 27.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Na  Walter   Mguluchuma .

           Katavi .

  Jeshi  la   Polisi   Mkoa  wa  Katavi   limefanikiwa kuwaua  majambazi wanne     wakiwa na   Bunduki  mbili za  kivita  zikiwa na  risasi   27  baada ya   majibizano ya  risasi na  Polisi   yaliyochukua  muda wa  dakika  kumi  na   tano .

.Kaimu   Kamanda wa   Polisi wa  Mkoa wa  Katavi    Benedictor   Mapujila  alisema  tukio  hilo la  kuuwawa kwa  majambazi hao  lilitokea  hapo  jana  majira  ya  saa tano  usiku  huko  katika  eneo  la   Kahenze   Kata ya   Ugala  Tarafa ya  Nsimbo  Wilaya ya   Mpanda   Mkoa wa   Katavi .

Alisema  siku   moja  kabla ya  kuuwawa kwa  majambazi hao   majambazi  hao   walimpora  mtu   mmoja   aliyefahamika  kwa  jina    Shija  Masanja   ambae   alikuwa ni   mfanyabiashara  na waliweza  kumvamia  huku wakiwa na  silaha   na  waliweza  kumpora  simu   mbili  aina  ya   TECNO  na pesa  tasilimu  Tshs  800,000 na  kisha kutokomea  kusiko  julikana.

  Kaimu  Kamanda   Mapujila   alisema  jeshi  la  polisi  lilipata   taarifa  za  tukio  hilo  na  ndipo  walipoanza  msako   mkali   wa  kuwasaka  majambazi  hao  katika  maeneo ya  Kata  nzima  ya  Ugala.

Alisema  katika  msako  huo  Polisi  waliweza   kuwaona   majambazi  hao wakiwa  wamejificha  kichakani   kando ya  barabara  na  baada ya kuona  wanafuatwa  na   askari    majambazi  hao walianza  kuwafyatulia  risasi   askari  polisi  huku wakikimbia  wakielekea  kichakani .

Katika   majibizano  hayo ya  risasi     yaliodumu kwa  muda wa   dakika  15 polisi  walifanikiwa  kuwaua  majambazi  wanne  na  kuwakuta wakiwa  na  silaha   mbili Bunduki za   kivita   aina  ya  SMG  zenye  Namba   UA 5538 1997 ikiwa  na  risasi 14  kwenye  magazine  na   nyingine   yenye     namba AFV 0826 1996  ikiwa  na   risasi   13  kwenye  magazine.

  Mapujila  alisema   majina  ya  majambazi  hao    yamehifadhiwa  kwa  sababu za   kiupelelezi  na  miili  ya   marehemu  hao  imehifadhiwa  katika  chumba   cha  kuhifadhi  maiti  katika  Hospitali ya  Manispaa ya  Mpanda .

Kaimu  Kamanda    ametowa  wito  kwa   wananchi   wale  wanaomiliki  silaha   kinyume   na  utaratibu  kuzisalimisha   silaha  hizo  mara  moja  kwani  Jeshi  la  polisi   halitasita   kumchukulia   hatua  kali   mtu    yeyote   atakae    bainika   kumiliki     silaha  kinyume   cha    sheria