TAWA YAKAMATA WATUHUMIWA WA UJANGILI ZAIDI YA 3100.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

  Na  Walter  Mguluchuma.

    Katavi

MAMLAKA  ya Wanyamapori Tanzania TAWA imefanya  doria  kudhibiti
ujangili  na kufanikiwa  kuwakamata watuhumiwa 3,185  na kesi 1,539
zilifunguliwa  mahakamani katika kipindi cha Julai Mosi mwaka  jana
hadi sasa .

 Katika  kipindi hicho  washtakiwa  463 wainusurika vifungo baada ya
kulipa  faini ya zaidi  Sh milioni 450/.

Kaimu Mkurugenzi wa TAWA , Martin Loibook alieleza mafanikio  hayo
wakati wa ufungaji rasmi  wa  mafunzoya wiki sita  yaliyohudhuriwa
maofisa  wanyamapori 97  kutoka TAWA
yaliyofanyika katika  Kituo cha Mafunzo  ya ukakamavu  kilichpo katika
Pori  la Akiba la Rukwa Lwafi lililopo katika wilaya ya Mlele  mkoani
Katavi .

Mafunzo hayo ni kwa ajili  ya maandalizi ya kuingia  katika mfumo wa
Jeshi Usu  kutoka  mfumo wa uraiani ambayo yameenda sambamba na  Tawa
kumaliza  mwaka mmoja tangu  ilipoanza kufanya kazi  rasmi Julai Mosi
mwaka jana .

Alisema katika  kipindi  hicho TAWA  iliweza kufanya  siku za doria
147,169 za kudhibiti  ujangili ambapo silaha 270  zilikamatwa
zikiwemo SMG 22, bastola mbili  bunduki za uindaji aina ya rifle 47 ,
shot gun 21  magobori 178  na risasi  1,058.

Aliongeza kuwa  katika kuimarisha  ukaguzi wa nyara za Serikali
katika vituo vya mipakani  na viwanja vya ndege  raia wakigeni wapatao
29 walikamatwa  kwa  makosa  ya  kutorosha  nyara za Serikali nje ya
nchi ambapo kesi 25 zilifunguliwa katika  vituo vya polisi  na
zlikamilika kwa watuhumiwa  kulipa faini y zaidi ya Sh milioni 43 .

Alisema katika kipindi hicho meno ya tembo  mazima 129  na  vipande 95
vilikamatwa  kwa  pamoja  nyara hizo zilikuwa  na uzito wa kilo 810.3.

Aidha, Machi  mwaka huu raia wawili wa kigeni  walikamatywa  a kobe
hai 171  katika matukio  tofauti yaliyotokea Dar Es Salaam  na Njombe
.

Alizitaja changamoto  kadhaa  ikiwemo  uvamizi wa mifugo  hifadhini ,
migogoro ya mipaka , kuingizwa  nchini silaha za  kivita  zinazotumika
kufanya  visa vya ujangili  na kurudishwa  kwa vitalu vya uwindaji wa
kitalii  kutokana na uvamizi wa mifugo  na uelewa mdogo wa wananchi
katika kuunga mkono  uhifadhi wa rasilimali za maliasili.

Kwa upande wake Katibu |Mkuu wa Wizara yaMaliasilli  na Utalii , Meja
Jenerali , Gaudensi Milanzi aliwataka  wahifadhi wote kwa kushirikiana
na  mamlaka za mikoa na wilaya  kuhakikisha t.atizo la uvamizi wa
mifugo hifadhi ni linamalizika .

Aliwataka wananchi  kuheshimu   sheria za nchi  na kuacha kufanya
shughuli za kibinadamu  hifadhini .

Mwisho

.