MEYA WA MANISPAA YA MPANDA ALIOMBA JESHI LA POLISI KUWADHIBITI MA DADA POA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

        Na  Walter  Mguluchuma .

               Katavi .

Meya  wa  Manispaa ya   Mpanda   Wiliy  Mbogo   ameliomba  jeshi la   Polisi   Wilayani   Mpanda   kuwaondoa  kwenye    machimbo ya  dhahabu   madada  poa  waliokuwa  wakifanya   biashara ya  kuuza   mili  yao  katika  mtaa  wa  Fisi   Mjini   hapa   ambao  kwa  sasa   wamegundua  mbinu  mpya  ya  kwenda  kufanya  biashara  hiyo  kwenye   baadhi ya  machimbo ya  dhahabu .

Mbogo  alitowa  ombi  hilo kwa jeshi  la  polisi   Wilayani    Mpanda  wakati  wa  hotuba  yake ya  kufunga   kikao  cha  Baraza  la  Madiwani wa  manspaa  hiyo  kilichofanyika  jana  katika  ukumbi wa   manspaa  ya   Mpanda .

  Alieleza  kuwa    pamoja  na  jihihada  kubwa  zilizofanywa na  jeshi la  polisi  Wilayani  hapa   la  kuwaondoa   akina   dada   POA  waliokuwa  wakifanya  biashara  ya kuuza  mili  yao   akina  dada  hao  wamebuni  mbinu   mpya  tofauti  na ile ya  awali   iliyokuwa  imezoweleka  .

  Alisema   badala  ya  kufanya   bishara    hiyo  kwenye   maeneo  ya    bar   na   kwenye    kumbi  za   sitalehe  sasa  hivi  wamehamia  kwenye  machimbo   ya  dhahabu   yaliko  katika  maeneo  ya  Dilifu,Sikitiko  na  Kapanda .

  Hivyo  Mbogo  aliliomba  jeshi  la  polisi  kufika  kwenye  maeneo  hayo  na  kufanya  utaratibu  wa  kuwaondoa  kama  walivyowaondoa  katika   Mtaa  wa  fisi .

  Alieleza  kuwa  endapo   madada  POA  hao  wataachiwa    kuendelea  na    bishara  hiyo   upo  tena  uwezekano wakati wa kipindi  cha mavuno  wakahama  kwenye  machimbo  na  kuhamia  wanako vuna  mazao  na  hasa  ya   mpunga .

Meya   Mbogo  alieleza   baraza  hilo  kuwa  kitendo  hicho  cha  kufanyika  kwa  biashara    ya kuuza  miili  yao  akina  dada   kimepokelewa kwa  mikono   miwili  na   vijana  na     wazee  wanaofanya  kazi  kwenye  machimbo  hayo .

Alisema  watu  hao  wamekuwa   wakifurahia  kwa  kile  wanachokieleza  kuwa    kitendo  cha    akina   dada  poa   kuhamia  kwenye  machimbo  kumewapunguzia    gharama  ya  kukodi   pikipiki  BODA BODA  kwani  hapo  awali  walikuwa  wanalazika  kuwafuata   mjini  katika   Mtaa  wa   Fisi  lakini  sasa  hivi  wanapatikana  hapo  hapo .

Kwa   upande wake   mkuu  wa  jeshi  OCD  la  polisi  Wilaya  ya   Mpanda    Veno   Malesa   ambae  alikuwepo  kwenye  kikao  hicho   alieleza   baraza  hilo  la   madiwani  kuwa   swala  hilo  watalifanyia  kazi    mapewa  iwezekanavyo.

  Alieleza  kuwa    haoni  sababu  yoyote  ambayo  itakayo  wafanya  washindwe  kuwaondoa  akina  dada  hao  wanaofanya   biashara  ya  kuuza  mili yao   kama    polisi  waliweza  kufanya  kazi ya  kuwaondoa  katika   mtaa wa  Fisi  kwani  washindwe  machimboni   alisema   ocd.

  Mwaka  jana   aliyekuwa   mkuu  wa  Wilaya  ya  Mpanda   Paza  Mwamlima  aliwaomba       Madada    poa  waliokuwa   wanafanya   biashara  ya  kuuza  mili  yao  kwenye  mtaa  wa  Fisi  wafike  ofisini kwake  ili   awapatie  wataalamu  watakao  wapatia   elimu ya   ujasilimali   ili  waepukane  na  biashara  hiyo

Nae    Boda  wa boda    wa  kwenye  machimbo  ya  Dilifu     Juma   Hamisi   akiongea  na  gazeti  hili  kwa  njia  ya  simu    alieleza   kuwa   kwa  sasa  wateja  wao  waliokuwa  wakiwachukua  na  kuwaleta  Mpanda   mjini  wamepungua   tokea  kuhamia  kwa   akina  dada  hao  kwenye  machimbo