CCM WAZINDUA KAMPENI YA UCHAGUZI WA UDIWANI KATA YA KASANSA .

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

  Na  Walter   Mguluchuma .

         Katavi .

Chama  cha  Mapinduzi   CCM Mkoa wa  Katavi  kimezindua   kampeni   i za  uchaguzi  mdogo  wa   kugombea  udiwani  katika  Kata  ya  Kasansa     Tarafa ya    Mamba  Wilayani  Mlele    Mkoani  Hapa .

Uzinduzi  huo        ulifanyika  jana  katika    Kijiji  cha  Igalukilo    kampeni za   chama  hicho   zilizinduliwa  na  Mwenyekiti  wa  ccm  wa   Mkoa  wa   Katavi   Mselemu   Abdala na  unavishirikisha  vyama  vya  ccm na  Chadema  .

Uchaguzi  huo  mdogo wa  udiwani  ulipangwa kufanyika   January   22 utafanyika  ufatia  kifo  cha  aliyekuwa  Diwani wa  Kata  hiyo  Sisto  Charahani   ccm aliyefariki   Dunia  Oktoba  mwaka  jana  na   imemteuwa  Silasi  Ilumba  kuwa   ndiye   mgombea wao  kwenye uchaguzi  huo .

Akizindua   Kampeni  hizo   Mwenyekiti wa  ccm   Mselemu  Abdala  alisema   endapo mwanachama yoyote wa  chama  hicho    atakae  bainika kukisaliti  chama  hicho kwenye  uchaguzchama  hakitasita kumchukulia  hatua .

Alisema itakuwa ni jambo la kushangaza kwa ccm kushindwa kupata ushindi  kwenye  Kata  hiyo kwa kuwa  wao ni  wengi kuliko Chadema  hivyo     endapo  watashindwa  lazima  watatazamana  ili  kumjua   mtu  aliyekisaliti   chama .

  Aliwataka  wananchi wa  Kata  hiyo  kuacha  tabia ya kubaguana  kutokana  na  maeneo   ya  Vijijini wanayokuwa wanatoka wagombea  na wala wasiingize  udini na  ukabila  kwenye  maswala ya uchaguzi kwani  Watanzania  wote ni wamoja .

  Mselemu  alisema   wakati wa kura za  maoni  ndani ya  chama  hicho  za kumpata   mgombea wao   wa    udiwani kulikuwa na  ubaguzi wa  maeneo  ambayo walikuwa wakitoka wagombea  ndani ya  chama  hicho    hivyo  ni  budi sasa   waugane  na wasiendelee kufanya  hivyo  kwani    sio   jambo  jema .

 Alionya watu wa  Kata  hiyo  wasifanye  utani  kwenye maswala ya  dini  kwenye  uchaguzi  na wasichanganye     matatizo yao na  siasa  na pia  wasilte  mambo ya  mzaa  kwenye  mambo ya  maendeleo .

 Alisema  ccm  wamejiwekea  utaratibu  mzuri wa kuwapata wagombea  wao wa  nafasi  mbalimbali  na  ndio  maana  wamekuwa wakishinda  kutoka na  utaratibu  wao   huo walijiwekea wa kuwapa wagombea wao .

Watu  ambae  wamukuwa  wakikimbilia kugombea  nafasi za uongozi  wanapaswa kutambua   unawezaa  kuchaguliwa    vizuri   lakini  utatoka  vibaya .

Katika  uzinduzi  huo  jumla ya  wanachama   sabini  kutoka   vijiji   vinne  vya   Kata  hiyo  walirudisha   kadi  za   Chadema  na  kujiunga  na   Ccm.

Kwa  upande  wake  Mkuu wa  Wilaya ya   Mlele   Leacho  Kasanda  ambae  pia     Mwenyekiti wa  kamati ya  ulinzi ya   Wilaya   hiyo   alivitaka   vyama  ambavyo  vinashiriki uchaguzi huo  kufuata  sheria za  nchi .

Alisema  vyama   vyote  lazima   vitambue  kuwa  vipo   shini ya  sheria  hivyo   kwenye  kipindi  hiki  cha  uchaguzi wafanye kampeni  zao kwa kuata   sheria  za   nchi  na  serikali   ya  Wilaya ya  Mlele  ipo   tayari kuvilinda  vyama  vyote   bila  ubaguzi wowote .

Alisema  watahakikisha  uchaguzi  huo   mdogo  unafanyika  kwa  amani  katika  kipindi   chote  cha uchaguzi  kwao  wamejipanga  kuhakikisha    hakutokei   uvunjwaji wa   amani   kwenye  uchaguzi huo.

MWISHO