JELA MIAKA 20 KWA KUKAMATWA NA MENO YA TEMBO YA MILIONI 148.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

  Na  Walter   Mguluchuma .

          Katavi

  Mahakama    ya  Wilaya  ya  Mpanda   Mkoa ni  Katavi  Imemuhukumu    Ndeisaba  Masud  35  Mkazi wa  Makazi ya  Wakimbi ya  Katumba  Wilaya ya  Mpanda   kifungo   cha  miaka  20  jela  baada ya  kupatikana  na  hatia ya kukamatwa  na  meno ya  Tembo vipande   25  yenye   thamani ya   shilingi  Milioni   148.

Hukumu  hiyo  ilitolewa  hapo  jana  na  Hakimu     Mkazi  mfawidhi  wa  Mahakama ya    Wilaya  ya   Mpanda  Chiganga   Ntengwa  baada  ya  kuridhika  na  ushahidi  uliotolewa   mahakamani  hapo   na  upande wa  mashitaka .

Awali  katika  kesi  hiyo  mwendesha  mashitaka   Mwanasheria  w a    Serikali    wa  Mkoa  wa  Katavi   Jamira  Mziray   aliiambia   Mahakama  kuwa   mshitakiwa   alitenda  kosa  hilo   hapo   January  12  mwaka   2015  huko  katika   Kijiji  cha  Urwila  Wilaya ya   Mpanda .

Siku  HIyo ya  tukio  mshitakiwa  Ndeisaba  a likamatwa  na  meno  hayo ya  Tembo   akiwa   ameyapakia  kwenye     begi   mbili   ndani ya  basi   la  Kampuni  ya   AM  lililokuwa   likifanya    safari  kutoka    Mpanda  kuelekea   Mkoani   Tabora . 

Mwendesha  mashitaki   Mziray   aleleza  kuwa kabla ya  kukamatwa  kwa  mshitakiwa     Askari  wa   Hifadhi ya  Taifa ya   Katavi na  jeshi la  polisi walikuwa  wamepata  taarifa kutoka  kwa  Raia  wema juu ya  mshitakiwa  kuwa  anamipango ya kusafirisha  meno ya  Tembo   kutoka  Katumba na kuyapeleka  Mkoani   Tabora  kwa  kutumia  basi la  Kampuni ya  AM.

  Alidai kuwa  baada ya kuwa wamepata  taarifa   hizo   Askari wa  Hifadhi ya  Katavi na  Polisi  walianda   mtego na  ndipo waliweza kufanikiwa  kumkamata  mshitakiw akiwa   ndani ya   basi  hil  na  walipompekua  kwenye   mizigo ya   beji   zake  mbili   alizokuwa     amepakia  kwenye   basi  la  Kampuni ya  AM  waliweza  kumkamata  na  meno ya   Tembo   vipande  25  vyenye  thamani ya  Tsh  Milioni  148  mali    Serikari ya   Jamhuri ya  Mungano wa   Tanzania .

Hakimu  Chiganga   kabla ya kusoma  hukumu  hiyo      alieleza  kuwa   kutokana   ushahidi  uliotolewa  mahakamani  hapo na  upande wa  mashitaka   Mahakama  pasipo   shaka  yoyote  imemwona  mshitakiwa  amepatikana  na  hatia  ya kifungo    cha  sheria  Namba  235  cha  kanuni ya   adhabu  na  sheria ya   wanyama pori ya  mwaka 2009.

Kutoka  na  kupatikana   hatiia  hiyo    Hakimu  Chiganga   alimtaka   mshitakiwa    kama   anayosababu yoyote ya   msingi ya  kuishawishi  Mahakama  impunguzie    adhabu   basi  mahakama  ilitowa   nafasi kwa  mshitakiwa  kuweza  kujitetea  kabla ya kusomewa  hukumu .

Katika   utetezi  wake  mshitakiwa  aliomba   Mahakama  impunguzie   adhabu kwa  kile  achodai   kuwa  bado  umri  wake  ni  mdogo  na  pia   ameowa  hivi  karibuni    hata   hivyo  maombi  hayo yalipingwa  vikali na  mwendesha  mashitaka  mwanasheria wa  Serikali  ambae  aliiomba  Mahakama itowe  adhabu  kali  kwa  mshitakiwa  ili  iwefundisho kwa watu  wengine  wenye  tabia  kama  hiyo .

Hakimu  Mkazi   Mfawidhi   Chiganga   Ntengwa  akisoma  hukumu  hiyo     aliambia   Mahakama  kuwa    Mahakama  imemuhukumu  mshitakiwa   Ndeisaba   kifungo  cha  miaka   20    kuanzia  jana  baada ya  kupatikana  na  hatia  ya  kukamatwa na  meno ya  Tembo  vipande    25   vyenye  thamani ya  milioni  148   mali ya  Serikali  ya  Jmhuri  ya  Muungano  wa   Tanzania   na   aliamuru  meno  hayo ya  Tembo yakabidhiwe    Hifadhi ya  Taifa ya  Katavi kwa  ajiri ya kuyahifadhi .

Katika  kesi  hiyo   Mahakama  hiyo  ilimwachia huru   mshitakiwa wa pili     aitwaye   Samson    Fedrick   Mkazi wa  Makazi ya  Wakimbi ya   Katumba  baada  ya  upande wa mashitaka  kushindwa  kutowa  ushahidi wa kumtia   hatia   mshitakiwa .