Viongozi wa Chadema 3 na wafuasi wao 14 washikiliwa na polisi kwa kuandamana bila kibali

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

 Na  Walter Mguluchuma

Katavi

Viongozi watatu wa Chama cha Demokrasia na Maendeleo   (CHADEMA) wa Mkoa wa Katavi  na wafuasi 14 h wa chama hicho wanashikiliwa na jeshi la Polisi kwa tuhuma za kufanya maandamano bila kibali ya kuishinikiza Seerikali isitishe kikao cha Bunge maalumu ya Katiba

 Viongozi hao wa Chadema wamekamatwa  jana majira ya saa nne asubuhi kwenye  eneo la  zahanati ya Kasimba  katika mtaa wa Majengo A   wakati wakiwa wanaandamana  kuelekea kwenye  eneo la viwanja vya Mpanda Hotel ambako  walikuwa wamepanga kufanya mkutano wa hadhara mara baada ya maandamano hayo

Viongozi wanaoshikiliwa na  polisi ni Katibu wa Chadema  wa Mkoa wa Katavi  Almasi Ntije Mwenyekiti wa Chadema  wa Wilaya ya Mpanda  Abrahamu Mapunda  na Katibu wa Chadema wa Jimbo la Mpanda Mjini  Cretus Nkumba   pamoja na wafuasi wao 14 na wengine walifanikiwa kutoroka

 Awali  viongozi  wa Chama hicho waliandika barua  hapo Septemba 22 kwa jeshi la polisi wakiomba kufanya maandamano tarehe 25 pamoja na mkutano wa hadhara kwenye viwanja vya Mpanda Hotel

 Hata hivyo barua hiyo iliwezakujibiwa na jeshi la Polisi Wilaya ya Mpanda hapo  Septemba 24 ikikitaka chama hicho kisifanye maandamano wala mkutano wa hadhara

Kwa mujibu Katibu wa Chadema wa Wilaya ya Mpanda  idd Faraja alieleza kuwa   Chama hicho  kiliamua  kufanya maandamano hayo baada ya kuwa wamefanya maandalizi ya maandamano  hayo  na jeshi la polisi  kuchelewa  kuwapatia barua ya  kuwazuia kufanya maandamano na mkutano

 Alisema kitendo cha polisi kuchelewa kujibu barua yao ya kuomba kibali  walivyoona  imekuwa kimya walijijua kuwa wamekubaliwa

 Ofisi za Chadema  ambazo zipo katika mtaa wa Majengo  A jana kutwa nzima zimeshinda huku zikiwa zimezungukwa na Askari wa Jeshi la Polisi waliokuwa na silaha na hari ya ulinzi ya kituo kikuu cha Wilaya ya Mpanda  kiliimalishwa baada ya kuzungukwa na askari polisi waliokuwa na silaha wakihofia kuvamiwa kwa kituo hicho na wafuasi wa Chaedema

Kamanda wa Polisi wa Mkoa wa Katavi Dhahiri Kidavashari amethibitisha kukamatwa kwa viongozi hao wa Chadema  na wafuasi wao na bado wanashikiliwa na jeshi hilo