MAJAMBAZI WATEKA GARI NA KUPORA FEDHA NA SIMU

Na Walter Mguluchuma-BLOGS ZA MIKOA

Mpanda

Majambazi  wameliteka  gari la mfanya  biashara  wa  duka la dawa muhimu  la binadamu  wa Mjini Mpanda Mkoa wa Katavi Michael Mpela  na kufanikiwa  kupora vitu  vyenye thamani  ya  shilingi  480  000.

Kaimu  kamanda wa polisi wa mkoa wa Katavi Joseph Myovela  alisema   tukio  hilo  la uporaji  lilitokeaa  februari 8  majira ya saa 2 usiku  katika  eneo  la  Kijiji cha Sijonga  barabara ya  Mpanda  kuelekea Karema  mwambao  wa ziwa  Tanganyika .

Katika tukio hili  majambazi watatu  wakiwa  na bunduki  moja  waliliteka  gari  namba T 595 AGS aina Escudo  mali ya  Michael Mpela  aliye  kuwa na wenzake  wawili.

Kaimu kamanda wa polisi  wa mkoa wa Katavi  alisema  baada  ya  kuwateka walifanikiwa  kuwapora  pesa taslimu  jumla ya shilingi  240  000.

pia majambazi hao  waliwalazimisha  kusalisha simu  zao za mikononi  na waliweza  kupora simu  tano  za aina  mbambali  zenye  thamani  ya shilingi  240 000.

Myovela alisema majambazi hayo  mara baada ya kufanya  ujambazi   huo  yalitokomea kichakani   na kutokomea kusiko julikana .

 Alieleza  jeshi la polisi   linaendelea na msako  wa kuwatafuta  mambazi  walio husika katika tukio hili  kwa kushirikiana  na wananchi .

 Na jeshi  la polisi  mkoa wa Katavi   limetowa  wito  kwa   kwa wananchi  kutowa taarifa  mapema  waonapo  watu  ambao   ni wageni  katika maeneo   yao  wanapo kuwa  na mashaka  nao  kabla hawaja fanya  adhima yao  ya uharifu

www.blogszamikoa.blogspot.com