WIZARA YA MALIASILI NA UTALII YAWATAKA WADAU WA UHIFADHI KUMUUNGA MKONO RAIS MAGUFULI.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Na   Walter   Mguluchuma..

        Katavi .

  Wizara ya Maliasili na Utalii imewataka wadau  wa  uhifadhi  kuunga mkono  mpango  wa Rais   Dk   Pombe  Magufuli  wa kujenga  mradi  mkubwa wa uzalishaji  wa umeme   STIGO  katika  Mto  Rufiji  ndani ya pori  la  akiba   Selou  ambao utazalisha  zaidi ya   Negawati 2,100 za umeme  kama hatua muhimu ya  ya  kusaidia  maendeleo ya Nchi kuelekea Tanzania ya viwanda.

 Wito  huo  ulitolewa  naKatibu  Mkuu wa  Wizara ya  Maliasili na   Utalii  Meja  Generali      Daudence   Milanzi     wakati  alipokuwa  akifunga  mafunzo  ya   askari  wa  wanyama  pori  kutoka  Mamlaka ya  Wanyama   pori Tanzania    TAWA   na  Mamlaka  ya   Hifadhi  Ngorongoro yaliofanyika  katika  kituo cha  mafunzo  Mlele   Mkoani  Katavi .

  Alisema kwa kutambua umuhimu  wa uhifadhi   Tanzania  imetenga  eneo  la   asilimia  28 ya eneo  lote  la    Nchi  kavu   Tanzania  Bara  kwa  ajiri  ya uhifadhi  wa  wanyama pori  na mistu  ikiwemo  vyanzo vya  maji   ambapo uhifadhi  lazima  uwe kwa  manufaa ya  Watanzania  na  maendeleo  kwa Taifa .

Meja   Generali   Milanzi   alieleza  kuwa   dhamira ya   Serikali  kujenga  mradi   mkubwa  wa kuzalisha umeme  wa  STIGULAS  GORCE   ndani ya pori  la  akiba  na ujenzi  wa  mradi wa  maji  wa   bwawa  la Kidunda  utachukua  eneo dogo  la pori hilo .

Alifafanua  kuwa  pori hilo  linaukubwa  wa zaidi ya  kilometa  za   mraba  elfu 50 ambazo ni zaidi ya ukubwa wa  Nchi  za  Rwanda na  Burundi   zikiunganishwa  pamoja

Pia  alisema   hivi sasa   uhifadhi  unakabiliwa  na tatizo  la uvamizi  wa mifugo  kwenye maeneo  ya hifadhi  hivyo Wizara  inatowa  wito  kwa  wahifadhi  kushirikiana  na   mamlaka za   Mikoa  na  Wilaya  kwenye  maeneo yao.

Nae  Kaimu  Mkurugenzi  Mkuu wa   Mamlaka  ya  wanyama pori   Tanzania   TAWA    Martin  Loibook aliwashukuru wadau  wa uhifadhi  wa  ndani  na   nje ya  Nchi  ambao  wanaendelea  kufadhili   mafunzo  ya   askari  na  vitendea  kazi  ili kuimarisha ulinzi  na uhifadhi  wa  wanyama pori . na kukabiliana  na ujangili  ukiwemo wa  Tembo

  Alisema  Tembo    wameanza  kuongezeka  kwenye maeneo mbalimbali   Nchini  baada ya  kufanyika kwa doria   nyingi   ambazo  zimefanikisha kukamatwa  kwa watuhumiwa   wengi na  silaha walizokuwa wakizitumia kufanyia ujangili .

Nao   baadhi  ya    wadau wa  uhifadhi  wamezungumzia umuhimu  wa  mafunzo  yanayoendelea  kutolewa  na  Wizara  ya   Maliasili na  Utalii  kwa   askari na  watumishi   wa  Wizara  hiyo   kuwa   yanalenga kuwa na   mfumo wa  Jeshi  Usu  katika ulinzi  wa usimamizi  wa   maliasili   za  Taifa .