WACHIMBAJI WADOGO WA DHAHABU WA MWANGUKIA DC

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

  Walter   Mguluchuma  Na  Arine   Temu

        Katavi .

   Mwachimbaji   wadogo wadogo wa   madini ya  dhahabu   katika    Wilaya ya   Mpanda   Mkoani  Katavi   wamemwomba   Mkuu  wa   Wilaya  ya   Mpanda   Liliani   Matinga   awarusu  waendelee kuchimba madini ya  dhahabu   katika   Machimbo  ya   Isumamilomo  ambayo yamefungwa   hivi  karibuni na   Mkuu  huyo wa  Wilaya .

  Wakizungumza mbele ya   wandishi wa   Habari  hapo   jana   wachimbaji  hao   walieleza  kuwa   wachimbo  hayo  yalikuwa  ndio   mkombozi  kwa  maisha  yao  kutokana  na  riziki  waliokuwa  wakiipata  kutoka  kwenye  machimbo hayo .

Mmoja  wa  wachimbaji  hao   Richald  Nzingula    alisema   wao  kama  wachimbaji   wanamwomba    Mkuu   wa   Wilaya ya  Mpanda    awafungulie   machimbo  hayo   aliyoyafunga   kwa  kushitukiza .

 Alisema  toka  machimbo  yalipofungwa   maisha  yao  yamekuwa  ni ya  shida  na    wameanza  kushindwa  kutunza  familia  zetu kwani     kwenye  machimbo  ndio walikuwa  wakijipatia    riziki  ya kuendeshea   maisha na kutunza  familia   zetu  .

Silvester    Mgema   alieleza  kuwa  kupatikana   kwa  machimbo  hayo ya  Isumilomo kwa kipindi  ambacho  walikuwa  wakichimba  kumesaidia   vijana  wengi  na waliacha  kuzurula   ovyo  na  pia   waliacha kukaaa  vijiweni   na  hata   wizi   umepungua    katika   Mji wa   Mpanda .

Kwa   Upande  wake   Mkuu   wa   Wilaya ya   Mpanda  alisema     tamko  hilo la  kuwaondoa  wachimbaji  hao na kufunga   machimbo  hayo  lipo   kisheria   kwa   ajiri  ya    hali ya  usalama  wa   afya  kwa  wachimbaji ambao walikuwa  wamevamia    eneo hilo   ambalo    lilikuwa  linamilikiwa kihalali na watu   kutoka  kwa   mmiliki wa   eneo  hilo   TFS.

Alisema  wachimbaji  hao  waliovamia   eneo   hilo  walikuwa ni zaidi ya 400  na  katika   eneo hilo kulikuwa  hakuna   huduma  zozote za    muhimu  kama  vile vyoo  na  maji    hivyo kulikuwa  na  hari ya kuhatarisha   uwepo wa  mlipuko  wa  magonjwa ya kipindupindu ,homa ya  matumbo na  kuhara  damu .

  Hivyo    aliwataka  wachimbaji  hao  wadogo  wadogo  kuwa  wavumilivu      na  kutunza   amani  wakati  wakisubiri   maelekezo  kutoka   kwa   wamiliki  wa   machimbo  hayo .

Kwani  yeye  kama   Mkuu wa   Wilaya   ametowa  siku   saba kwa  wamiliki wa  machimbo  hayo  kufanya  marekebisho  ya kufanya  usafi   kwani  machimbo  hayo   yaliharibiwa  na    wachimbaji  walivamia  machimbo  hayo ya    Isumamilomo   alisema DC   Matinga .

MWISHO