WANANCHI WAOMBA KATIBA MPYA IBAINISHE MAENEO YA WAFUGAJI NA WAKULIMA

N a  Walter  Mguluchuma
MPANDA Katavi
 Baadhi ya Wananchi wa  Kata ya Kakese  Wilaya ya Mpanda Mkoa wa Katavi wameomba katiba  mpya ijayo kiongezwe  kipengele kinacho  kinachobainisha  mipaka ya wafugaji na wakulima ili kuweza  kumaliza migogoro ya muda mrefu ya wakulima na wafugaji
 Pendekezo hilo  walilitowa hapo jana mbele ya maafisa wa kituo  cha sheria  na haki za binadamu (LHRC)kwenye mkutano wa hadhara  uliofanyika kwenye kijiji cha Kakese
Mkutano huo  ulioandaliwa na LHRC ulikuwa na lengo la kuwaelimisha wananchi  waweze  kufuatilia kwa karibu bunge la katiba linaloendelea na wasome rasmu ya katiba iliwaweze kuwa na maamuzi sahihi wakati wa kupiga kura za maoni za katiba mpya
 Baadhi ya wananchi hao walisema  kuwa tatizo la migogoro ya wakulima na wafugaji linasababishwa na  katiba iliyopo sasa kwani haionyeshi  kutenganisha maeneo ya wakulima na wafugaji
 Walisema ilikumaliza migogoro ya mara kwa mara ya wakulima na wafugaji katiba mpya ijayo  kiongezwe kipengele  kinachobainisha  mipaka ya wafugaji na wakulima
 Pia  walieleza  wananchi wengi wamekuwa wakipoteza haki zao  kutokana na kutokuwa na fedha  kwa ajiri ya kuweka  mwanasheria  pindi wanapokuwa na kesi mahakamani  hivyo kiongezwe kipengele cha kuwa kila mtu  anapokuwa na kesi  mahakamani  serikali imweke wakili wa kumtetea kama ambavyo serikali inavyofanya kwenye kesi za mauwaji
Katiba mpya waliomba  pia kiongezwe kipengele  cha kuwatete na kuwalinda wazee wanaouwawa kwa kukatwa na mapanga kutokana na imani za kishirikina
 Kwa upande wake  mwanasheria  wa kituo  cha sheria  na haki za binadamu LHRC  Fredrick Lyimo aliwaeleza wananchi hao  kuwa wanayonafasi kubwa  ya kutowa  maoni yao hayo  kwenye  Rasmu ya pili ya katiba
 Nae afisa habari wa LHRC  Rose Mwalongo  alisema kuwa  lengo la  LHRC ni kuhakikisha wanawafikia wananchi  na kuwapatia elimu  iliwaweze  kujitokeza kwa  wingi  kwenye kupiga kura za maoni ya Rasmu ya pili ya  katiba
 Alisema wananchi wanao wajibu  wa kusoma  Rasmu ya pili  katiba iliwaweze kupata  uwelewa wa kutosha na kuwafanya wapige kura ya maoni huku wakiwa  na maamuzi sahihi
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.