WAFANYABIASHARA WA VIBANDA VYA MADUKA MJINI MPANDA WAFUNGA VIBANDA KWAKIGOMEA KUPANDA KWA USHURU

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Walter Mguluchuma Na Irene Temu

Wafanya biashara wa Manispaa ya  Mpanda wanaofanya biashara za vibanda  vya maduka katika soko kuu la Manispaa ya Mpanda na Buzogwe wamesitisha kwa siku nzima ya jana kufanya biashara na kuamua kufunga vibanda vyao kwa kile wanachodai Manispaa ya  Mpanda kuwa pandishia ushuru wa vibanda  kutoka shilingi elfu kumi na tano hadi shilingi elfu 40,000.

Wakizungumza na waandishi wa habari kwa nyakati tofauti wakiwa nje ya vibanda vyao vilivyokuwa vimefungwa baadhi ya wafanyabiashara hao walisema hawako tayari kuendelea kufanyabiashara kwenye masoko hayo mpaka hapo watakapo pata suluhisho kati yao na Manispaa

Mmoja wa wafanyabiashara katika soko la buzongwe Andrea Mashenene alisema kuwa kiwango hicho walichipandishiwa kwa awamu moja ni kikubwa sana ukilinganisha na faida wanazopata katika biashara zao

Alifafanua kuwa hapo awali walikuwa wakilitozwa shilingi elfu kumi na tano kwa mwezi na sasa wamepandishiwa kiwango na kutakiwa kulipa Tsh 40,000 kiwango ambachio ni kikubwa kwao

Alisema hali hiyo inamlazimu yeye kufunga kibanda chake ambacho alilkuwa akiuza viatu vya mitumba na kuangalia uwezekano wa kuhamishia biashara yake kwenye meza zinazotumika kuuzia mboga mboga na matunda.

Naye mfanyabiashara wa soko kuu Josam Mateo akizungumza kwa niaba ya wafanyabiashara wenzake alifafanua kuwa kibanda kimoja  kinatakiwa kulipiwa ushuru wa Tshs 40,000 kwa mwezi kiwango ambacho kimekuwa ni kikubwa kutokana na kodi mbalimbali wanazolipa kwenye eneo lao hilo la biashara. 

Alizitaja  baadhi ya kodi hizo kuwa  ni kodi ya  Mapato TRA,leseni ya biashara inayotolewa na Manispaa,kodi ya mwenye kibanda,kodi ya zimzmoto na  uokowaji na hiyo ya ushuru wa soko iliyopandishwa.

Nae Mwenyekiti wa chama cha wafanyabiashara Mkoa wa Katavi Amani Mahela alisema kuwa swala hilo linapaswa kuzungumzwa kwa mezani na endapo itashindikana kufanyika mazungumzo ni vema wafanyabiashara kwenda Mahakamani na kuweka zuio la kuongezewa ushuru .

Alisema mikataba waliyopelekewa wafanyabiashara imekuwa na kasoro mbalimbali ambapo alitaja baadhi ya kasoro  hizo ni Mkurugenzi kuwa na mamlaka ya kunyang’anya kibanda kwa kutoa notisi ya siku tisini pindi atakapokuwa anaona inafa kibanda hicho kuwa chini ya Manispaa bila kujali mfanyabiashara huyo kama ana mikopo katika taasisi mbalimbali za kibenki.

Diwani wa kata ya kashaulili John Matongo yaplipo masoko hayo alisema wafanyabiashara hao wamekuwa wakifanya biashara zao kwa mazoea hivyo ni vyema kiwango hichi kilichoongezewa wakakilipa kama kilivyopangwa.

Alisema wapo baadhi yao wamekuwa wakitumia siasa ilim watu waone kuwa wafanyabiashara hao kuwa wameonewa kitu ambacho sio kweli kwani jambo hilo lilianzia kwa wataalam wa Manispaa ambao hapo awali walipendekeza kiwango kiwe Tshs 120,000 kwa mwezi lakini baada ya kushauriwa namadiwani na kwenye kikao cha wawalikilshi wa wafanyabiashara walikubaliana kishuke na kuwa Tshs 40,000 kwa mwezi na baadhi yao walikuwa wamesha anza kulipa

MKurugenzi wa Manisapaa ya Mpanda Michael Nzyungu alipopigiwa simu yake ya kiganjani ili atoe ufafanuzi wa jambo hili iliita bila kupokelewa

Nae Meya wa Manispaa ya Mpanda Willy Mbogo alisema kuwa swala hilo bado lipo mikononi mwa wataalam wa manispaa litakapokuwa limeshindikana ndipo litakapofikishwa kwao madiwani.