MAMLAKA YA MAWASILIANO TANZANIA (TCRA) YATOA ELIMU KWA WANDISHI WA HABARI NAMNA YA KUHAMIA MTANDAO MWENGINE BILA KUBADILI NAMBA YA SIMU.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

  Walter   Mguluchuma   Na   Arine   Temu

       Katavi yetu Blog

Mamlaka ya    Mawasiliano     Tanzania TCRA  imetowa   mafunzo  kwa   wandishi wa   Habari wa  Mkoa wa  Katavi  ya  utumiaji  wa  huduma  za  Mawasiliano  ya  huduma  ya kuhamia   mtandao  mwingine  bila  kubadili   namba ya  simu ya kiganjani .

Mafunzo  hayo ya  siku   moja yaliowashirikisha  Wandishi  wa   Habari wa  vyombo   mbali mbali  vya   Habari  vilivyopo  katika  Mkoa  wa   Katavi  yalifanyika   katika  ukumbi  wa  Hotel ya   Lyamba   lyamfipa    Mjini  hapa .

Mwandisi  Mwandamizi  wa  mawawasiliano  wa TCRA wa    wa   Kanda ya    Nyanda  za juu  kusini   Eng   FelicianMwesigwa   alisema   MNP  ni  huduma ya  hiari  inayompa   mtu  uhuru  na  kumwezesha  kuhamia    mtandao  wowote  anao  utaka  na kuendelea  kupata   mawasiliano  bila  kulazimika  kubadili  namba  yake ya  simu .

  Huduma   hiyo   inaongeza  ushindani  kwenye  sekta  ya  mawasiliano  na  hivyo  kuwa  ni kichocheo  cha  utoaji wa  huduma   bora  na  zenye    gharama   nafuu kwa maana  kama  mtu  ataona  huduma  haziridhishi  basi  wateja watahama na kuhamia kwenye  mtandao mwingine .

Eng  Mwesigwa  alisema huduma ya kuhamia  mtandao mwingine  bila  kubadili   namba  yako   itamwezesha  mteja    kubaki  na  namba  yake  ya  awali  anapo hama kwa  mtoa  huduma  moja kwenda nyingine.

 Alisema huduma hiyo  inaokoa  gharama ya fedha kwa  mteja  kwa kuwa  hatakuwa na haja  ya kununua  laini  mpya  kwa kila mtoa huduma  au kuwa  na simu  ya kiganjani zaidi ya moja  ikiwa  lengo ni  kubaki  na   namba  zako .

Nae  Naibu  Mkurugenzi   anaeshughulikia   masuala  ya watumiaji  wa  huduma  na bidhaa za mawasiliano   Thadayo  Ringo   alieleza   mfumo   wa kuhamia  mtandao  mwingine  bila kubadili   namba  ya  simu   ya kiganjani  utatumiwa  na wateja  wote  nchini  wanaolipia  huduma  kwanza  na wanaolipia  huduma  baada ya matumizi.

Ili  kuingia  kwenye mfumo  huu simu  ya  mtumiaji   lazima  iwe  inatumika  yaani  haijafungiwa  au  kusimamishwa kwa  muda  na   huwezi  kuhama  na salio  lililopo  na unatakiwa  kutumia  salio  kabla ya  kuhama  la sivyo  salio  lako   litatunzwa katika  akaunti  maalumu  ya mtoa huduma  wako  wa zamani  na  utalazimika  kufuata  taratibu  za  kudai ili urudishiwe.