CHAMA CHA MSINGI CHA MPANDA KATI KUPANDA MITI MILIONI 7.5.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 

   Na    Walter  Mguluchuma .

              Katavi

   Chama  cha   Msingi    cha  ushirika   wa   wakulima wa  Tumbaku  cha   Mpanda   Kati   Mkoani     Katavi  kinatarajia   kupanda  miti     milioni  7.5  zenye  thamani ya  Tshs 147,000,000   katika   msimu  wa kilimo wa  2017\   2018.

  Hayo    yalisemwa  hapo  jana   na   Meneja  wa   chama  cha   Msingi  cha  wakulima  wa    Tumbaku   Mpanda    Kati   Rajabu  Tembo   wakati   akitowa   taarifa  ya utekelezaji  wa   shughuli  za    chama     hicho  wakati wa  mkutano  mkuu  wa  chama   cha   Msingi  Mpanda   Kati  uliofanyika    katika  ukumbi wa   Katavi  Resort  Mjini   hapa  .

Alisema   chama  hicho  kimeisha  omba   mkopo   Benki  ya   CRDB  kiasi  cha   Dola   84,180  na  tayati  wameisha  kubaliwa  kwa  ajiri ya   shughuli  ya  kapanda  miti katika  msimu  wa  kilimo   wa     2017\   2018.

  Alifafanua  kuwa  hari ya  upandaji  miti kwa   wakulima wa  tumbaku  haukuwa   wa  kuridhisha  katika  msimu  ulipita  hari    hari  ambayo  imesababisha  kampuni ya  Premium    ipunguze  kilo  za kununua  tumbaku  kutoka  kwenye  chama  hicho .

  Rajabu  aliwaeleza  wajumbe wa  mkutano   mkuu  huo kuwa    Bodi ya   Tumbaku  imeisha   weka  sheria   inayo    elekeza   kwa   Makampuni  yote  yanayo  nunua   tumbaku   hapa      Nchini   kununua   t  kilo za  tumbaku   kulingana  na  miti    inayokuwa    imepandwa   kwenye   chama   husika .

  Alisema  msimu  wa  mwaka   2015  \   2016   kampuni ya  Premium  ilinunua  kiasi  cha   kilo  za  Tumbaku  1,600,000  na  msimu huu  wa  2016\ 2017  kampuni  hiyo   imeshusha  kilo  hadi  kufikia   kili   1,400,000  kutokana  na   chama  hicho  kutopanda  miti   inayolingana  na  kilo  za  tumbaku  zinazotakiwa  kuzalishwa .

  Hivyo  chama  kimeweka   mikakati  mbalimbali   ya  kuacha  kutegemea  zao  la  tumbaku  peke  yake na    badala  yake  wanatarajia  kuanzisha    mazao   mchanganyiko  ya  mahindi  na  kalanga ..

Gerald  Majura  mjumbe  wa  mkutano  huo    alieleza  kuwa  ni   vema    kampuni   ikaongeza   kununua  kilo za  tumbaku      ili   kuwawezesha  wakulima   kukuza  uchumi  wao .

  Alisema   wakulima  wamekuwa wakijitahidi  kupanda  miti  ila  wamekuwa  wakikabiliwa  na   changamoto ya  mifugo   kuharibu  miti yao  wanayokuwa  wameipanda  na  kuwasababishia  waonekane  hawaja   fikia  malengo ya  kupanda  miti .

Charles  Safisha  mkulima  wa         chama  hicho   aliyaomba  makampuni  yanayotowa  miti  kwa  ajiri ya   kupanda  wakulima  wawe  wanatowa   miche   ya   mti matunda   badala  kupewa  miche ya  miti ya  misongoma  na  misobali   peke  yake .

  MWISHO